നിലവില് പാക്കിസ്ഥാനിലെ പെട്രോള് വില ലിറ്ററിന് 249 രൂപ 80 പൈസയായും ഡീസല് വില 262 രൂപ 80 പൈസയായും ഉയര്ന്നു. മണ്ണെണ്ണയ്ക്ക് 18 രൂപ കൂട്ടിയിട്ടുണ്ട്. പുതുക്കിയ വില ഇന്നു മുതല് പാകിസ്ഥാനിൽ നിലവില്വന്നു.
എല്ലാമാസവും ഒന്നുമുതല് പതിനാറാം തീയതിവരെ രണ്ടാഴ്ചയിലൊരിക്കലാണ് പാകിസ്താനില് എണ്ണവില പുതുക്കുന്നത്.
വിലവര്ധനയ്ക്ക് മുന്നോടിയായി പാകിസ്താനിലെ പെട്രോള്പമ്പുകളില് കനത്തതിരക്കാണ് അനുഭവപ്പെട്ടത്. പാകിസ്താന് രൂപയുടെ മൂല്യം കഴിഞ്ഞദിവസങ്ങളില് വന്തോതില് ഇടിഞ്ഞിരുന്നു.
ഓയില് ആന്ഡ് ഗ്യാസ് അധികൃതരുടെ ശിപാര്ശയുടെ അടിസ്ഥാനത്തിലാണ് നിരക്കുകള് വര്ധിപ്പിച്ചതെന്നാണ് പാകിസ്താന് ധനമന്ത്രി ന്യായീകരിക്കുന്നത്. സാമ്പത്തിക പ്രതിസന്ധി മൂലം പാകിസ്താന് മറ്റു രാജ്യങ്ങളോട് സഹായ അഭ്യർത്ഥന നടത്തിയിരുന്നു
. സാമ്പത്തിക പ്രതിസന്ധിയുടേയും കഴിഞ്ഞ വര്ഷത്തെ വെള്ളപ്പൊക്കത്തിന്റേയും പശ്ചാത്തലത്തില് പാകിസ്താനെ പിന്തുണയ്ക്കാന് അമേരിക്ക സമ്മതിച്ചതായി പാക് മാധ്യമങ്ങള് റിപ്പോര്ട്ട് ചെയ്യുന്നുണ്ടെങ്കിലും ഔദ്യോഗികമായ സ്ഥിരീകരണം അമേരിക്കയുടെ ഭാഗത്തുനിന്ന് ഉണ്ടായിട്ടില്ല
രാജ്യത്തെ രാഷ്ട്രീയ സംഘര്ഷങ്ങള്ക്കിടയില് സാമ്പത്തിക ഏകീകരണത്തില് കൂടുതല് പുരോഗതി കൈവരിക്കുന്നതില് പാകിസ്താന് പരാജയപ്പെട്ടെന്ന് ചൂണ്ടിക്കാട്ടി നവംബറില് പണത്തിന്റെ വിതരണം ഐ.എം.എഫ് നിര്ത്തിവച്ചിരുന്നു. ഇതോടെയാണ് നിലനില്പ്പിനായുള്ള ശ്രമങ്ങള് പാക്കിസ്ഥാന് ആരംഭിച്ചത്.
ചരിത്രത്തിലെ ഏറ്റവും കുറഞ്ഞ വിനിമയനിരക്കിലാണ് ഇപ്പോള് പാകിസ്താന് രൂപ. രാജ്യത്ത് സാമ്പത്തിക പ്രതിസന്ധി രൂക്ഷമായതോടെ, പ്രതിസന്ധി പരിഹരിക്കാന് ചെലവു ചുരുക്കല് പദ്ധതികള് ആവിഷ്കരിക്കുകയാണ് രാജ്യം. ഇതിനോടകം നിരവധി വ്യവസായങ്ങൾ പൂട്ടുകയും തൊഴിൽ ഇല്ലന്നാകുകയും പട്ടിണി വർധിക്കുകയും ചെയ്തതായി പാക് മാധ്യമങ്ങൾ റിപ്പോർട്ട് ചെയ്യുന്നു
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.