കൊല്ലം: പ്രാർത്ഥനയിലൂടെ രോഗം ഭേദമാക്കാമെന്ന് വിശ്വസിപ്പിച്ച് പതിനാറുകാരിയായ പെൺകുട്ടിയെ നിരന്തരം ലൈംഗികാതിക്രമത്തിന് ഇരയാക്കിയ കേസിൽ വ്ളോഗർ കരുനാഗപ്പള്ളി പൊലീസിന്റെ പിടിയിലായി.
ശാരീരിക അസ്വസ്ഥതകൾക്ക് പ്രാർത്ഥനയിലൂടെ ശമനം കണ്ടെത്താമെന്ന വ്യാജേന പിതാവിന്റെ അമ്മയ്ക്കൊപ്പമാണ് പെൺകുട്ടി മുഹമ്മദ് നിയാസ് ജൗഹരിക്ക് മുന്നിലെത്തിയത്. തുടർന്ന് രോഗം ഭേദമാക്കാമെന്ന് കുടുംബത്തെ തെറ്റിദ്ധരിപ്പിച്ച് വിശ്വാസ്യത നേടിയെടുക്കുകയായിരുന്നു. 2025 മുതൽ 2026 വരെയുള്ള കാലയളവിൽ പ്രതി പെൺകുട്ടിയെ പല സ്ഥലങ്ങളിൽ എത്തിച്ച് ക്രൂരമായ ലൈംഗികാതിക്രമത്തിന് ഇരയാക്കിയെന്നാണ് പരാതി.
പ്രാർത്ഥനയുടെയും മറ്റ് അനുബന്ധ കാര്യങ്ങളുടെയും പേര് പറഞ്ഞ് പെൺകുട്ടിയെ തന്ത്രപൂർവ്വം മാറ്റിനിർത്തിയായിരുന്നു പീഡനം. അതിക്രമം സഹിക്കവയ്യാതെ പെൺകുട്ടി വിവരം വെളിപ്പെടുത്തിയതോടെയാണ് സംഭവം പുറത്തറിയുന്നത്. തുടർന്ന് ലഭിച്ച പരാതിയുടെ അടിസ്ഥാനത്തിൽ കരുനാഗപ്പള്ളി പൊലീസ് കേസെടുത്ത് പ്രതിയെ കസ്റ്റഡിയിലെടുക്കുകയായിരുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.