പുതിയ ബില്ലിന് രാഷ്ട്രപതി അനുമതി നല്‍കി: എല്‍ഡിഎഫ് കാലത്തെ സ്വകാര്യ സര്‍വകലാശാല ബില്‍ 2025 അസാധുവായി,

തിരുവനന്തപുരം: എല്‍ ഡി എഫ് സർക്കാർ പാസാക്കിയ സ്വകാര്യ സർവ്വകലാശാല ബില്‍ 2025 അസാധുവായി. രാഷ്ട്രപതിയുടെ അനുമതി ലഭിച്ചതോടെയാണ് ബില്‍ അസാധുവായത്.

സംസ്ഥാന സർക്കാറിന്‍റെ അപേക്ഷ പരിഗണിച്ചാണ് രാഷ്ട്രപതി അനുമതി നല്‍കിയത്. പുതിയ ബില്‍ കൊണ്ടുവരാനാണ് പഴയ ബില്‍ പിൻവലിക്കുന്നത്. ബില്‍ പിൻവലിക്കാനുള്ള പ്രമേയം കഴിഞ്ഞ മാസം 12 ന് നിയമസഭ പാസ്സാക്കിയിരുന്നു. 

അതിന് ശേഷം ഗവർണർ മുഖേനെയായിരുന്നു രാഷ്ട്രപതി ഭവന്‍റെ അനുമതി തേടിയത്. ഇടത് കാലത്ത് പാസാക്കിയ ബില്ലില്‍ ഇതുവരെ രാഷ്ട്രപതി അംഗീകാരം നല്‍കിയിരുന്നില്ല. പുതിയ ബില്‍ ഉടനുണ്ടാകുമെന്നാണ് യു ഡി എഫ് സർക്കാർ വ്യക്തമാക്കിയിട്ടുള്ളത്.