മുംബൈ: ഇറ്റാലിയൻ വാണിജ്യ വാഹന നിർമാതാക്കളായ ഐവെക്കോ ഗ്രൂപ്പിന്റെ 89.42 ശതമാനം ഓഹരികൾ ഏറ്റെടുത്തതോടെ ആഗോള വാണിജ്യ വാഹന വിപണിയിൽ നിർണായക സ്ഥാനം സ്വന്തമാക്കി ടാറ്റ മോട്ടോഴ്‌സ്. ഏകദേശം 36,000 കോടി രൂപയുടെ ഏറ്റെടുക്കലിലൂടെ ആറ് ടണ്ണിന് മുകളിലുള്ള വാണിജ്യ വാഹനങ്ങളുടെ വിൽപ്പനയിൽ ലോകത്തെ നാലാമത്തെ വലിയ വാഹന നിർമാണ ഗ്രൂപ്പായി ടാറ്റ മോട്ടോഴ്‌സും ഐവെക്കോയും മാറി.
ഇരു കമ്പനികളും സംയോജിത ആഗോള വാണിജ്യ മൊബിലിറ്റി സംരംഭമായി പ്രവർത്തനം ആരംഭിച്ചതായി നവംബർ മൂന്നിന് പ്രഖ്യാപിച്ചു. പുതിയ സംരംഭത്തിന് 130ലധികം രാജ്യങ്ങളിൽ സാന്നിധ്യമുണ്ടാകും. ഏകദേശം 2.28 ലക്ഷം കോടി രൂപയുടെ സംയുക്ത വാർഷിക വരുമാനവും 5.9 ലക്ഷം വാഹനങ്ങളുടെ വാർഷിക വിൽപ്പനയുമാണ് ഗ്രൂപ്പിന്റെ പ്രധാന ശക്തി.
27 നിർമാണ കേന്ദ്രങ്ങളും 25 ഗവേഷണ-വികസന കേന്ദ്രങ്ങളും 73,000ത്തിലധികം ജീവനക്കാരുമുള്ള സംരംഭം യൂറോപ്പ്, ഇന്ത്യ, ദക്ഷിണ അമേരിക്ക, ഏഷ്യ, മധ്യപൂർവദേശം, ആഫ്രിക്ക തുടങ്ങിയ വിപണികളിൽ പ്രവർത്തനം വ്യാപിപ്പിക്കും. ഇന്ത്യയിലും വളർന്നുവരുന്ന വിപണികളിലും ടാറ്റ മോട്ടോഴ്‌സിനുള്ള ശക്തമായ സാന്നിധ്യവും യൂറോപ്പിലും മറ്റ് അന്താരാഷ്ട്ര വിപണികളിലും ഐവെക്കോയ്ക്കുള്ള സ്വാധീനവും സംയോജനത്തിലൂടെ പ്രയോജനപ്പെടുത്താനാണ് ലക്ഷ്യം.
വാണിജ്യ വാഹനങ്ങൾ, ബസുകൾ, പവർട്രെയിനുകൾ തുടങ്ങിയ മേഖലകളിലെ ഇരുകമ്പനികളുടെയും സാങ്കേതികവിദ്യയും ഉൽപ്പന്നശേഷിയും സംയോജിപ്പിക്കുന്നത് ആഗോളതലത്തിൽ മത്സരശേഷി വർധിപ്പിക്കുമെന്നാണ് പ്രതീക്ഷ. ഇന്ത്യൻ വാഹന വ്യവസായത്തിനും അന്താരാഷ്ട്ര വിപണികളിൽ കൂടുതൽ അവസരങ്ങൾ തുറക്കുന്നതാണ് ഈ ഏറ്റെടുക്കൽ.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.