ന്യൂഡല്‍ഹി: ഇന്ത്യൻ ഒളിമ്പിക് അസോസിയേഷൻ തിരഞ്ഞെടുപ്പ് നാളെ നടക്കാനിരിക്കെ, നിലവിലെ അധ്യക്ഷയും മുൻ അത്‌ലറ്റുമായ പി.ടി. ഉഷയ്‌ക്കെതിരെ അണിയറയില്‍ വൻ ചരടുവലികള്‍.
ന്യൂ ഭാരത് പാനല്‍' എന്ന പേരില്‍ ഒരു സന്ദേശം വാട്‌സ്‌ആപ്പ് വഴി പ്രചരിപ്പിക്കുകയും പാനല്‍ അംഗങ്ങള്‍ക്ക് അയച്ചുകൊടുക്കുകയും ചെയ്തിട്ടുണ്ടെന്ന് പി.ടി ഉഷ പക്ഷം ആരോപിക്കുന്നു. ഡോള ബാനർജിക്കെതിരെ ഇന്ത്യൻ ഒളിമ്പിക് അസോസിയേഷൻ ഇലക്ടറല്‍ ഓഫീസർക്ക് പി.ടി. ഉഷ ഔദ്യോഗികമായിപരാതി നല്‍കി.
തിരഞ്ഞെടുപ്പ് പെരുമാറ്റച്ചട്ടങ്ങള്‍ ഡോള ലംഘിച്ചെന്നാണ് ഉഷയുടെ പ്രധാന ആരോപണം. അതേസമയം, ഉഷ വിരുദ്ധ ചേരിയും തിരഞ്ഞെടുപ്പ് ഉദ്യോഗസ്ഥർക്ക് പരാതി നല്‍കിയതായാണ് സൂചന.
നാളെയാണ് ഇന്ത്യൻ ഒളിമ്പിക് അസോസിയേഷനിലെ നാല് സ്ഥാനങ്ങളിലേക്ക് വോട്ടെടുപ്പ് നടക്കുന്നത്. ഈ നാല് സ്ഥാനങ്ങളിലേക്കായി ആറ് മുൻ വനിതാ താരങ്ങളാണ് മത്സരരംഗത്തുള്ളത്. തിരഞ്ഞെടുപ്പില്‍ ആകെ 80 കായികതാരങ്ങള്‍ക്കാണ് വോട്ടവകാശമുള്ളത്.
നാളത്തെ വോട്ടെടുപ്പില്‍ പരാജയപ്പെട്ടാല്‍ പി.ടി. ഉഷയ്ക്ക് ഇന്ത്യൻ ഒളിമ്പിക് അസോസിയേഷൻ പ്രസിഡന്റ് സ്ഥാനത്തേക്ക് മത്സരിക്കാൻ സാധിക്കില്ല.
കഴിഞ്ഞ ദിവസം വരെ മത്സരത്തില്‍ പി.ടി. ഉഷയ്ക്ക് വ്യക്തമായ മേല്‍ക്കൈ ഉണ്ടെന്നായിരുന്നു വിലയിരുത്തല്‍. എന്നാല്‍ അവസാന നിമിഷത്തെ അണിയറനീക്കങ്ങള്‍ വലിയ ആശയക്കുഴപ്പത്തിന് വഴിവെച്ചിട്ടുണ്ട്.
ഇതിനിടെ, വോട്ടർമാരായ അംഗങ്ങളെ സ്വാധീനിക്കാൻ ശ്രമങ്ങള്‍ നടക്കുന്നതായും ആരോപണമുയർന്നിട്ടുണ്ട്. കേരള ഒളിമ്പിക് അസോസിയേഷൻ പ്രസിഡന്റ് സുനില്‍ കുമാറിന്റെ (ചൈന സുനില്‍) നേതൃത്വത്തിലാണ് ഇത്തരം ശ്രമങ്ങള്‍ നടക്കുന്നതെന്നാണ് പുറത്തുവരുന്ന വിവരം.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.