ന്യൂഡൽഹി: രാജ്യത്തെ മൊത്തം ചരക്ക് സേവന നികുതി (ജിഎസ്ടി) വരുമാനം ഒക്ടോബറിൽ 2.31 ലക്ഷം കോടി രൂപയായി ഉയർന്നു. കഴിഞ്ഞ വർഷം ഇതേ മാസത്തെ അപേക്ഷിച്ച് 22.9 ശതമാനമാണ് വർധന. നവംബർ ഒന്നിന് പുറത്തുവിട്ട താൽക്കാലിക കണക്കുകൾ പ്രകാരം, 2017-ൽ ജിഎസ്ടി നടപ്പാക്കിയതിനുശേഷമുള്ള ഏറ്റവും ഉയർന്ന പ്രതിമാസ വരുമാനങ്ങളിൽ രണ്ടാമത്തേതാണിത്.
ഇറക്കുമതിയുമായി ബന്ധപ്പെട്ട നികുതി വരുമാനത്തിലെ വർധനയാണ് മൊത്തം കണക്കിൽ നിർണായകമായത്. ഇറക്കുമതിയിൽ നിന്നുള്ള ജിഎസ്ടി വരുമാനം 42.2 ശതമാനം ഉയർന്ന് 72,246 കോടി രൂപയായി. ആഭ്യന്തര ഇടപാടുകളിൽ നിന്നുള്ള വരുമാനം 15.8 ശതമാനം വർധിച്ച് 1.59 ലക്ഷം കോടി രൂപയിലെത്തി.
നികുതി റീഫണ്ടുകൾ കണക്കിലെടുത്ത ശേഷമുള്ള അറ്റ ജിഎസ്ടി വരുമാനം 25.6 ശതമാനം വർധിച്ച് 2.03 ലക്ഷം കോടി രൂപയായി. ഏപ്രിൽ മുതൽ ഒക്ടോബർ വരെയുള്ള നടപ്പു സാമ്പത്തിക വർഷത്തിലെ ആദ്യ ഏഴ് മാസങ്ങളിൽ മൊത്തം ജിഎസ്ടി വരുമാനം 14.78 ലക്ഷം കോടി രൂപയിലെത്തി. മുൻവർഷത്തെ ഇതേ കാലയളവിനെ അപേക്ഷിച്ച് 13.2 ശതമാനമാണ് വളർച്ച.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.