വിശാഖപട്ടണം: ആന്ധ്രാപ്രദേശിലെ വിശാഖപട്ടണത്തുള്ള ഹിന്ദുസ്ഥാൻ പെട്രോളിയം കോർപ്പറേഷൻ ലിമിറ്റഡിന്റെ (HPCL) റിഫൈനറി സമുച്ചയത്തിൽ തീപിടിത്തമുണ്ടായി. നവംബർ 2 തിങ്കളാഴ്ച രാത്രി പത്തുമണിയോടെയാണ് റിഫൈനറിയിലെ പിച്ച് ഇന്റർമീഡിയറ്റ് സംഭരണ ടാങ്ക് മേഖലയിലാണ് തീപിടിത്തം ഉണ്ടായത്. സംഭവം ശ്രദ്ധയിൽപ്പെട്ട ഉടൻ കമ്പനിയുടെ അഗ്നിരക്ഷാ വിഭാഗം അടിയന്തര നടപടികൾ ആരംഭിച്ചു.
അഗ്നിരക്ഷാ സേനയുടെ സമയോചിതമായ ഇടപെടലിലൂടെ തീ നിയന്ത്രണവിധേയമാക്കിയതായി HPCL അറിയിച്ചു. സംഭവത്തിൽ ആർക്കും പരിക്കേൽക്കുകയോ ജീവഹാനി സംഭവിക്കുകയോ ചെയ്തിട്ടില്ല. റിഫൈനറിയിലെ മറ്റ് പ്രവർത്തന യൂണിറ്റുകളെല്ലാം സുരക്ഷിതമായി പ്രവർത്തിക്കുന്നുണ്ടെന്നും കമ്പനി വ്യക്തമാക്കി. ആന്ധ്രാപ്രദേശ് അഗ്നിരക്ഷാസേനയും രക്ഷാപ്രവർത്തനത്തിൽ പങ്കെടുത്തു. സ്ഥലത്തെത്തിയ റവന്യൂ ഡിവിഷണൽ ഓഫീസർ തീ പൂർണമായും അണച്ചതായി സ്ഥിരീകരിച്ചു. തീപിടിത്തത്തിന്റെ കൃത്യമായ കാരണം കണ്ടെത്തുന്നതിനും വ്യാവസായിക സുരക്ഷാ മാനദണ്ഡങ്ങൾ പാലിച്ചിട്ടുണ്ടോയെന്ന് പരിശോധിക്കുന്നതിനും അന്വേഷണം നടത്തുമെന്ന് അധികൃതർ അറിയിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.