ദോഹ: അറേബ്യൻ ഗൾഫിലൂടെ സഞ്ചരിക്കുകയായിരുന്ന ഖത്തറിന്റെ എൽഎൻജി കപ്പലായ അൽ മയേദയ്ക്ക് നേരെ അജ്ഞാത വസ്തുക്കളിടിച്ചതായി ഖത്തർ ഗ്യാസ് ട്രാൻസ്‌പോർട്ട് കമ്പനി (നകിലാത്ത്) അറിയിച്ചു. ഒക്ടോബർ 30 വെള്ളിയാഴ്ച വൈകുന്നേരമാണ് സംഭവം നടന്നത്. കപ്പലിലുണ്ടായിരുന്ന ജീവനക്കാർക്ക് ആർക്കും പരിക്കേറ്റിട്ടില്ലെന്നും പരിസ്ഥിതിക്ക് നാശനഷ്ടമൊന്നും സംഭവിച്ചിട്ടില്ലെന്നും കമ്പനി വ്യക്തമാക്കി.
സംഭവത്തെത്തുടർന്ന് കപ്പലിന്റെ പ്രവർത്തനം തടസ്സപ്പെട്ടിട്ടില്ലെന്നും നിലവിൽ സുരക്ഷിതമായ നിലയിലാണെന്നും കമ്പനി അറിയിച്ചു. കപ്പലിനുണ്ടായ ആഘാതത്തിന്റെ വ്യാപ്തി വിലയിരുത്തിവരികയാണ്. ജീവനക്കാരുടെയും കപ്പലിന്റെയും സുരക്ഷ ഉറപ്പാക്കുന്നതിനായി ബന്ധപ്പെട്ട സമുദ്രസുരക്ഷാ ഏജൻസികളുമായി കമ്പനി നേരിട്ട് ഏകോപനം നടത്തുന്നുണ്ട്.
അജ്ഞാത വസ്തുക്കൾ ഏതാണെന്നോ സംഭവത്തിന് പിന്നിൽ ആരാണെന്നോ കമ്പനി വ്യക്തമാക്കിയിട്ടില്ല. ഗൾഫ് മേഖലയിലെ സമുദ്രഗതാഗത സുരക്ഷ സംബന്ധിച്ച ആശങ്കകൾ നിലനിൽക്കുന്ന സാഹചര്യത്തിലാണ് സംഭവം റിപ്പോർട്ട് ചെയ്തിരിക്കുന്നത്. സംഭവത്തെക്കുറിച്ചുള്ള കൂടുതൽ വിവരങ്ങൾ പുറത്തുവന്നിട്ടില്ല.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.