നീഷിൻ: ഏഷ്യൻ ഗെയിംസ് പുരുഷ ക്രിക്കറ്റ് ഫൈനലിൽ പാകിസ്താനെതിരെ ഇന്ത്യ ആദ്യം ബാറ്റ് ചെയ്യും. ടോസ് നേടിയ ഇന്ത്യൻ ക്യാപ്റ്റൻ ശ്രേയസ് അയ്യർ ബാറ്റിംഗ് തിരഞ്ഞെടുക്കുകയായിരുന്നു. ശ്രീലങ്കയ്‌ക്കെതിരായ സെമിഫൈനലിൽ ഇറങ്ങിയ അതേ പ്ലെയിംഗ് ഇലവനെയാണ് ഇന്ത്യ ഫൈനലിലും നിലനിർത്തിയത്.
സഞ്ജു സാംസൺ, അഭിഷേക് ശർമ്മ, വൈഭവ് സൂര്യവംശി തുടങ്ങിയ പ്രമുഖ താരങ്ങൾ ഇന്ത്യൻ ഇലവനിലുണ്ട്. ടോസ് സമയത്ത് ഇരു ടീമുകളുടെയും ക്യാപ്റ്റന്മാർ ഹസ്തദാനം നടത്താതിരുന്നതും ശ്രദ്ധേയമായി.
സാഹിബ്സാദ ഫർഹാന്റെ നേതൃത്വത്തിലുള്ള പാകിസ്താൻ ബി ടീമുമായാണ് ഏഷ്യൻ ഗെയിംസിനെത്തിയിരിക്കുന്നത്. നിലവിലെ സ്വർണജേതാക്കളായ ഇന്ത്യ കിരീടം നിലനിർത്താനുള്ള പോരാട്ടത്തിലാണ്.
വ്യാഴാഴ്ച നടന്ന ആദ്യ സെമിഫൈനലിൽ ശ്രീലങ്കയെ 124 റൺസിന് തകർത്താണ് ഇന്ത്യ തുടർച്ചയായ രണ്ടാം തവണയും ഫൈനലിലെത്തിയത്. ആദ്യം ബാറ്റ് ചെയ്ത ഇന്ത്യ 20 ഓവറിൽ ഏഴ് വിക്കറ്റ് നഷ്ടത്തിൽ 169 റൺസ് നേടി. ഇഷാൻ കിഷൻ 46 പന്തിൽ പുറത്താകാതെ 80 റൺസെടുത്ത് ഇന്ത്യയുടെ ടോപ് സ്കോററായി. മറുപടി ബാറ്റിംഗിൽ ശ്രീലങ്ക 45 റൺസിന് ഓൾഔട്ടായി.
മഴ തടസ്സപ്പെടുത്തിയ രണ്ടാം സെമിഫൈനലിൽ ബംഗ്ലാദേശിനെ ആറു വിക്കറ്റിന് തോൽപ്പിച്ചാണ് പാകിസ്താൻ ഫൈനലിൽ പ്രവേശിച്ചത്. ഏഷ്യൻ ഗെയിംസ് ക്രിക്കറ്റ് ഫൈനലിൽ ഇന്ത്യയും പാകിസ്താനും നേർക്കുനേർ എത്തുമ്പോൾ ആവേശകരമായ പോരാട്ടത്തിനാണ് വേദിയൊരുങ്ങുന്നത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.