കൊച്ചി: സൗദിയിലെ ഹൂതി ആക്രമണത്തിന്റെ പശ്ചാത്തലത്തില്‍ കൊച്ചി നെടുമ്പാശേരി വിമാനത്താവളത്തില്‍ നിന്ന് ഇന്ന് ഗള്‍ഫിലേക്കുള്ള ആറ് സർവീസുകള്‍ റദ്ദാക്കി.
ഇന്ന് റദ്ദാക്കിയ സർവീസുകള്‍
ഫ്ലൈനാസ് XY 399/400 – കൊച്ചി-റിയാദ്-കൊച്ചി
എയർ ഇന്ത്യ എക്സ്പ്രസ് IX 476 – ദോഹ-കൊച്ചി
എയർ ഇന്ത്യ എക്സ്പ്രസ് IX 475 – കൊച്ചി-ദോഹ
ആകാശ എയർ QP 523 – കൊച്ചി-റിയാദ്
ആകാശ എയർ QP 550 – കൊച്ചി-ജിദ്ദ
ഇൻഡിഗോ 6E 1517
ശനിയാഴ്ച സൗദി അറേബ്യയിലെ റിയാദിലുള്ള കിങ് ഖാലിദ് അന്താരാഷ്ട്ര വിമാനത്താവളത്തിന് നേരെ നടന്ന ആക്രമണത്തില്‍ 12 പേർ കൊല്ലപ്പെടുകയും 309 പേർക്ക് പരിക്കേല്‍ക്കുകയും ചെയ്തിരുന്നു. സൗദി ജനറല്‍ അതോറിറ്റി ഓഫ് സിവില്‍ ഏവിയേഷൻ (ജിഎസിഎ) ആണ് ഇക്കാര്യം അറിയിച്ചത്.
കൊല്ലപ്പെട്ടവരില്‍ നാല് സൗദി പൗരന്മാരും രണ്ട് ബംഗ്ലാദേശുകാരും ഉള്‍പ്പെടുന്നു. കൂടാതെ അമേരിക്ക, ഈജിപ്ത്, ജോർദാൻ, സിറിയ, പലസ്തീൻ, സുഡാൻ എന്നീ രാജ്യങ്ങളില്‍ നിന്നുള്ള ഓരോരുത്തരും മരിച്ചവരില്‍ ഉള്‍പ്പെടുന്നു
പരിക്കേറ്റ 309 പേരില്‍ ചിലരുടെ നില ഗുരുതരമാണ്. ഇവർ വിവിധ ആശുപത്രികളില്‍ ചികിത്സയിലാണ്. ആക്രമണത്തിലുണ്ടായ നാശനഷ്ടങ്ങള്‍ അധികൃതർ വിലയിരുത്തി വരികയാണ്. സൗദി അറേബ്യയ്ക്ക് നേരെയുണ്ടായ ഈ ആക്രമണത്തെ അപലപിച്ച്‌ നിരവധി രാജ്യങ്ങള്‍ രംഗത്തെത്തിയിട്ടുണ്ട്.
ഒക്ടോബർ ആറ്, ഏഴ് തീയതികളില്‍ കിങ് ഖാലിദ് അന്താരാഷ്ട്ര വിമാനത്താവളത്തിനും അബഹ അന്താരാഷ്ട്ര വിമാനത്താവളത്തിനും നേരെയും ആക്രമണങ്ങള്‍ നടന്നിരുന്നു. ഈ ആക്രമണങ്ങളില്‍ മൂന്നുപേർ മരിക്കുകയും 36 പേർക്ക് പരിക്കേല്‍ക്കുകയും ചെയ്തതായി ജിഎസിഎ വ്യക്തമാക്കി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.