ന്യൂഡൽഹി: ദസ്റ ആഘോഷങ്ങള്‍ക്കിടെ ദില്ലിയില്‍ രാഹുല്‍ ഗാന്ധി, സിജെപി നേതാക്കള്‍ തുടങ്ങിയവരുടെ കോലങ്ങള്‍ കത്തിച്ച്‌ പ്രതിഷേധം.,
ഇവർക്ക് ജനാധിപത്യത്തിലോ തെരഞ്ഞെടുപ്പ് കമ്മീഷനിലോ പോലീസിലോ ചീഫ് ജസ്റ്റിസിലോ ഒരു സർക്കാർ സംവിധാനങ്ങളിലോ വിശ്വാസമില്ല. സമരങ്ങളിലൂടെയും പ്രക്ഷോഭങ്ങളിലൂടെയും രാജ്യം ഭരിക്കാനാണ് ഇവർ ശ്രമിക്കുന്നത്. എങ്ങനെയെങ്കിലും അധികാരം പിടിച്ച്‌ പ്രധാനമന്ത്രിയാകുക എന്ന ഒറ്റ ലക്ഷ്യം മാത്രമേ ഇവർക്കുള്ളൂ-" ലാല് ഹിറ്റ് ജനതാ പാർട്ടി അംഗം വാർത്താ ഏജൻസിയോട് പറഞ്ഞു.
സിജെപിയെ കായികമായും ആശയപരമായും നേരിടേണ്ടി വരുമെന്ന മുന്നറിയിപ്പുമായി അംഗത്വ പ്രചാരണം സജീവമാക്കിയിരിക്കുകയാണ് ലാല് ഹിറ്റ് ജനത പാർട്ടി എന്ന കൂട്ടായ്മ. സിജെപി ഇനി പ്രതിഷേധിച്ച്‌ നിരത്തിലിറങ്ങിയാല്‍ കായികമായി നേരിടുമെന്ന് ലാല് ഹിറ്റ് ജനത പാർട്ടി ഭീഷണി മുഴക്കിയിട്ടുണ്ട്.
തീവ്ര വലത് ഗ്രൂപ്പുകളുടെ പിന്തുണയുണ്ടെന്ന് ആരോപണമുയർന്ന കൂട്ടായ്മ, സിജെപി സമരത്തിനെതിരെ പ്രതിഷേധിച്ച ദില്ലിയിലെ വ്യാപാരികളെ കൂടി ഒപ്പം ചേർത്ത് നീങ്ങാനാണ് ശ്രമിക്കുന്നത്.
അതിനിടെ, ശ്രീ കേശവ് രാംലീല കമ്മിറ്റിയുടെ നേതൃത്വത്തിലും കോലം കത്തിക്കല്‍ നടന്നു. ദില്ലി മന്ത്രി കപില്‍ മിശ്ര പാറ്റ രൂപത്തിന് തീ കൊളുത്തി. രാവണൻ, കുംഭകർണൻ, മേഘനാഥൻ എന്നിവരുടെ കോലങ്ങള്‍ക്കൊപ്പം 30 അടി ഉയരമുള്ള ഒരു പാറ്റയുടെ കോലവുമാണ് കത്തിച്ചത്. പാറ്റ കൂട്ടം രാജ്യത്ത് അരക്ഷിതാവസ്ഥ കൊണ്ടുവരാൻ ശ്രമിക്കുന്നുവെന്ന് കപില്‍ മിശ്ര പറഞ്ഞു.
കമ്മ്യൂണിസം, നക്സലിസം, ജിഹാദി, ദേശദ്രോഹി, രാമവിരോധി എന്നിവയുടെ കൂട്ടമാണ് പാറ്റകളെന്ന് കപില്‍ മിശ്ര ആരോപിച്ചു. ഇക്കൂട്ടരെ രാവണനൊപ്പം ദഹിപ്പിക്കണമെന്നും അതാണ് ഇന്നിവിടെ നടക്കുന്നതെന്നും മന്ത്രി പറഞ്ഞു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.