തൃശ്ശൂർ: ഭാര്യ നൽകിയ കൊട്ടേഷനെത്തുടർന്ന് യുവാവിനെ ക്രൂരമായി മർദ്ദിച്ച് അവശനാക്കുകയും ഒപ്പമുണ്ടായിരുന്ന യുവതിയെ തട്ടിക്കൊണ്ടുപോയി കൂട്ടബലാത്സംഗം ചെയ്യുകയും ചെയ്ത കേസിൽ അഞ്ച് പ്രതികൾ അറസ്റ്റിലായി.
ഭർത്താവിന്റെ നീക്കങ്ങൾ നിരീക്ഷിച്ച ഭാര്യ ഇയാളുടെ ഫോൺ ലൊക്കേഷൻ തിരിച്ചറിഞ്ഞ് ക്വട്ടേഷൻ സംഘത്തിന് കൈമാറുകയായിരുന്നു. ഇതനുസരിച്ച് പൊലീസ് ഉദ്യോഗസ്ഥരെന്ന വ്യാജേന ലോഡ്ജ് മുറിയിലേക്ക് ഇരച്ചുകയറിയ സംഘം മുറിക്കുള്ളിലുണ്ടായിരുന്ന യുവാവിന്റെയും യുവതിയുടെയും കൈകാലുകൾ കൂട്ടിക്കെട്ടുകയും വായിൽ തുണി തിരുകി ശബ്ദമുയർത്താനാകാത്ത വിധം നിയന്ത്രിക്കുകയും ചെയ്തു.
തുടർന്ന് ഇരുവരെയും ബലമായി കാറിൽ കയറ്റി തമിഴ്നാട് ഭാഗത്തേക്ക് തട്ടിക്കൊണ്ടുപോവുകയായിരുന്നു. യാത്രയ്ക്കിടയിൽ യുവാവിനെ ക്രൂരമായി മർദ്ദിച്ച സംഘം ഇയാളുടെ ഇരു കൈകളും കാലുകളും തല്ലിയൊടിച്ചു. തുടർന്ന് തിരുപ്പൂരിനടുത്തുള്ള ഒരു ആശുപത്രിക്ക് മുന്നിൽ റോഡിൽ ഇയാളെ ഉപേക്ഷിച്ചു. ഇതിനുശേഷം യുവതിയെ മറ്റൊരു കാറിലേക്ക് മാറ്റിക്കയറ്റിയ സംഘത്തിലെ പ്രതികൾ ആളൊഴിഞ്ഞ സ്ഥലത്തുവെച്ച് ക്രൂരമായി കൂട്ടബലാത്സംഗം ചെയ്യുകയായിരുന്നു
പീഡനത്തിനിരയായ യുവതി തമിഴ്നാട് പൊലീസിൽ നൽകിയ പരാതിയുടെ അടിസ്ഥാനത്തിൽ കേസ് രജിസ്റ്റർ ചെയ്യുകയും പിന്നീട് സംഭവം നടന്നത് തൃശ്ശൂരിലായതിനാൽ അന്വേഷണം തൃശ്ശൂർ സിറ്റി പൊലീസിന് കൈമാറുകയുമായിരുന്നു. തൃശ്ശൂർ അസിസ്റ്റന്റ് കമ്മീഷണറുടെ നേതൃത്വത്തിലുള്ള പ്രത്യേക അന്വേഷണ സംഘമാണ് കേസന്വേഷണം നടത്തിയത്
പ്രതികളിലൊരാളെ നെടുമ്പാശ്ശേരി വിമാനത്താവള പരിസരത്തുനിന്നാണ് പൊലീസ് സംഘം ആദ്യം പിടികൂടിയത്. ഇയാളെ ചോദ്യം ചെയ്തതിൽനിന്ന് ലഭിച്ച നിർണ്ണായക വിവരങ്ങളുടെ അടിസ്ഥാനത്തിൽ മൂന്ന് പ്രതികളെ തിരുപ്പൂരിൽ നിന്നും നാലാമനെ തമിഴ്നാട്ടിലെ പളനിയിൽ നിന്നും കസ്റ്റഡിയിലെടുത്തു.
കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു. കൃത്യത്തിൽ പങ്കാളിയായ പ്രായപൂർത്തിയാകാത്ത ഒരാൾ കൂടി പിടിയിലാകാനുണ്ടെന്നും ഇയാൾക്കായി തെരച്ചിൽ ഊർജ്ജിതമാക്കിയതായും പൊലീസ് അറിയിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.