ലാഹോർ: പാക്കിസ്ഥാൻ - അഫ്ഗാനിസ്ഥാൻ അതിർത്തി പ്രദേശമായ ചമനില്‍ നിന്നുള്ള ആദ്യ കത്തോലിക്ക വൈദികന്‍ അഭിഷിക്തനായി.
ബലൂചിസ്ഥാൻ പ്രവിശ്യയില്‍ പാക്-അഫ്ഗാൻ അതിർത്തിയോട് ചേർന്നു കിടക്കുന്ന ചമൻ എന്ന തന്ത്രപ്രധാനമായ നഗരത്തില്‍ നിന്നു ഇതാദ്യമായാണ് ഒരാള്‍ തിരുപ്പട്ടം സ്വീകരിക്കുന്നത്.
പൗരോഹിത്യ ശുശ്രൂഷ ദേവാലയത്തിന്റെ നാല് ചുവരുകള്‍ക്കുള്ളില്‍ മാത്രം ഒതുങ്ങിനില്‍ക്കാതെ, സാധാരണ ജനങ്ങളുടെ ദൈനംദിന ജീവിതത്തിലേക്കും അവരുടെ പ്രതിസന്ധികളിലേക്കും തിരിയേണ്ടതുണ്ടെന്നു ആർച്ച്‌ ബിഷപ്പ് ഖാലിദ് റഹ്മത്ത് തന്റെ സന്ദേശത്തില്‍ ഓർമ്മിപ്പിച്ചു.
ഡോണ്‍ ബോസ്കോ സ്കൂളിലെ പൂർവ്വവിദ്യാർത്ഥിയായിരുന്ന ഫറാസ്, കൗമാരകാലത്ത് പങ്കെടുത്ത യൂത്ത് സെമിനാറിലെ ആത്മീയ ചിന്തകളില്‍ നിന്നാണ് ദൈവവിളി തിരിച്ചറിഞ്ഞത്.മകൻ ഒരു സൈനിക ഉദ്യോഗസ്ഥനാകണമെന്ന് ആഗ്രഹിച്ച പിതാവ് തുടക്കത്തില്‍ എതിർപ്പുകള്‍ പ്രകടിപ്പിച്ചിരുന്നെങ്കിലും പിന്നീട് മകന്റെ അതിയായ ആഗ്രഹത്തിന് പൂർണ്ണ പിന്തുണ നല്‍കുകയായിരിന്നു.
കടുത്ത സുരക്ഷാ നിയന്ത്രണങ്ങളും പ്രതികൂല സാഹചര്യങ്ങളുമുള്ള ക്രൈസ്തവ സമൂഹം ന്യൂനപക്ഷമായ വിദൂര അതിർത്തി മേഖലയില്‍ നിന്ന് ആദ്യ വൈദിക വിളി സഫലമായതിന്റെ സന്തോഷത്തിലാണ് മേഖലയിലെ വിശ്വാസി സമൂഹവും സഭാനേതൃത്വവും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.