മുംബൈ: മഹാരാഷ്‌ട്രയിലെ റായ്ഗഡ് ജില്ലയിലെ ദിവേആഗർ കടല്‍ത്തീരത്ത് വിനോദയാത്രയ്‌ക്കിടെ എട്ട് വിദ്യാർഥികള്‍ മുങ്ങിമരിച്ചു.
ഇന്നലെ വൈകിട്ട് 5.30ഓടെയാണ് സംഘം ദിവേആഗർ കടല്‍ത്തീരത്തെത്തിയത്. ഇതിനിടെ വിദ്യാർഥികളില്‍ എട്ടുപേർ കടലില്‍ ഇറങ്ങുകയായിരുന്നു. എന്നാല്‍ വെള്ളത്തിന്റെ ആഴവും ശക്തമായ കടല്‍ ഒഴുക്കും കൃത്യമായി മനസ്സിലാക്കാൻ കഴിയാതെ പോയതോടെ ഇവർ ഒഴുക്കില്‍പ്പെടുകയായിരുന്നുവെന്നാണ് പോലീസ് വ്യക്തമാക്കിയത്.
നാട്ടുകാരുടെ രക്ഷാപ്രവർത്തനം വിഫലം
വിദ്യാർഥികള്‍ കടലില്‍ അപകടത്തില്‍പ്പെട്ടത് ശ്രദ്ധയില്‍പ്പെട്ടതോടെ നാട്ടുകാർ ഉടൻ രക്ഷാപ്രവർത്തനത്തിന് ശ്രമിച്ചു. എന്നാല്‍ ശക്തമായ ഒഴുക്ക് കാരണം രക്ഷാപ്രവർത്തനം വിജയിച്ചില്ല. പിന്നീട് നടത്തിയ തിരച്ചിലിലാണ് എട്ട് വിദ്യാർഥികളുടെയും മൃതദേഹങ്ങള്‍ കടലില്‍ നിന്ന് കണ്ടെത്തിയത്.
മരിച്ച വിദ്യാർഥികളെ തന്മയ് ദത്താത്രേയ വഹിലെ, സുമിത് ഭാരത് ആഹിരെ, പ്രണവ് രാംദാസ് ബൻസോഡെ, കൈവല്യ സതീഷ് വസങ്കർ, രാജ്‌വീർ യുവരാജ് വഹിലെ, യാഷ് കിരണ്‍ വാങ്കഡെ, സോഹം തുകാറാം ഭണ്ഡവല്‍ക്കർ, കൗസ്തുഭ് സന്ദീപ് ദൗണ്ട് എന്നിങ്ങനെയാണ് തിരിച്ചറിഞ്ഞത്.
വിവരമറിഞ്ഞ് ദിഗി സാഗരി ബോർലി പഞ്ചതൻ പൊലീസ് സ്റ്റേഷനിലെ അസിസ്റ്റന്റ് പോലീസ് ഇൻസ്പെക്ടർ സന്തോഷ് ആവതിയും സംഘവും സ്ഥലത്തെത്തി. മൃതദേഹങ്ങള്‍ പോസ്റ്റ്‌മോർട്ടം നടപടികള്‍ക്കായി ബോർലി പഞ്ചതനിലെ പ്രാഥമിക ആരോഗ്യ കേന്ദ്രത്തിലേക്ക് മാറ്റി.
സംഭവത്തില്‍ പോലീസ് വിശദമായ അന്വേഷണം ആരംഭിച്ചിട്ടുണ്ട്. വിനോദയാത്രാ സംഘത്തിന്റെ സുരക്ഷാ ക്രമീകരണങ്ങളും അപകടത്തിലേക്ക് നയിച്ച സാഹചര്യങ്ങളും സംബന്ധിച്ച വിവരങ്ങളും പരിശോധിച്ചുവരികയാണ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.