കൊച്ചി: വിഴിഞ്ഞം തുറമുഖ നിർമാണം തീരശോഷണത്തിന് കാരണമായെന്ന പരാതികൾ പരിശോധിക്കാൻ സർക്കാർ നിയോഗിച്ച വിദഗ്ധ സമിതിയുടെ റിപ്പോർട്ട് ഹൈക്കോടതി തള്ളി. സമിതിയുടെ രൂപീകരണത്തിൽ നിഷ്പക്ഷത ഉറപ്പാക്കാനായില്ലെന്ന് നിരീക്ഷിച്ച കോടതി, റിപ്പോർട്ടിന്റെ അടിസ്ഥാനത്തിൽ തുടർനടപടികൾ സ്വീകരിക്കരുതെന്നും ഉത്തരവിട്ടു.
തീരശോഷണം മൂലം വീടുകളും ഉപജീവനമാർഗങ്ങളും നഷ്ടപ്പെട്ടതായി ആരോപിച്ച് തീരദേശവാസികൾ നൽകിയ ഹർജികളിലാണ് ജസ്റ്റിസ് ഹരിശങ്കർ വി. മേനോന്റെ നടപടി. തുറമുഖ പദ്ധതിയുമായി മുൻബന്ധമുള്ളവർ സമിതിയിൽ അംഗങ്ങളായിരുന്നത് താൽപര്യസംഘർഷത്തിന് ഇടയാക്കുന്നതായി ഹർജിക്കാർ ചൂണ്ടിക്കാട്ടി.
സമിതി അധ്യക്ഷനായിരുന്ന എം.ഡി. കുദാലെ വിഴിഞ്ഞം തുറമുഖ പദ്ധതിയുമായി ബന്ധപ്പെട്ട സാങ്കേതിക സമിതിയിൽ നേരത്തേ പ്രവർത്തിച്ചിരുന്നതും മറ്റൊരു അംഗത്തിന് പദ്ധതിയുമായി ബന്ധപ്പെട്ട സ്ഥാപനവുമായുള്ള ബന്ധത്തെക്കുറിച്ചുള്ള ആരോപണങ്ങളും കോടതി പരിഗണിച്ചു.
തീരശോഷണത്തിന് തുറമുഖ നിർമാണമാണോ പ്രകൃതിദുരന്തങ്ങളാണോ കാരണമെന്ന് പരിശോധിക്കാൻ സ്വതന്ത്ര വിദഗ്ധരെ ഉൾപ്പെടുത്തി പുതിയ സമിതി രൂപീകരിക്കാനാണ് സർക്കാരിന് നിർദേശം. തുറമുഖ നിർമാണം നിർത്തിവയ്ക്കണമെന്നല്ല ഹർജിക്കാർ ആവശ്യപ്പെട്ടതെന്നും കോടതി വ്യക്തമാക്കി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.