ന്യൂഡൽഹി: വോട്ടർപട്ടികയുടെ പ്രത്യേക തീവ്ര പുതുക്കൽ നടപടിയായ എസ്.ഐ.ആറിൽ (SIR) എൻയുമറേഷൻ ഫോമുകൾ സമർപ്പിക്കാൻ കഴിയാതിരുന്നവരുടെ പരാതികൾ അനുഭാവപൂർവം പരിഗണിക്കണമെന്ന് കേരളത്തിലെ സാഹചര്യത്തിൽ തിരഞ്ഞെടുപ്പ് കമ്മിഷനോട് സുപ്രീംകോടതി നിർദേശിച്ചു. ഇത്തരക്കാർക്ക് കമ്മിഷനെ നേരിട്ട് സമീപിക്കാമെന്നും അപേക്ഷകളിലെ വസ്തുതകൾ പരിശോധിച്ച് ഉചിതമായ തീരുമാനമെടുക്കണമെന്നും കോടതി വ്യക്തമാക്കി.
എന്നാൽ കേരളത്തിലെ എസ്.ഐ.ആർ. നടപടികൾക്ക് സമയപരിധി നീട്ടേണ്ടതില്ലെന്നും കോടതി നിരീക്ഷിച്ചു. വോട്ടർപട്ടികയിൽ പേരുകൾ ഉൾപ്പെടുത്തുന്നത് തുടർച്ചയായ പ്രക്രിയയാണെന്നും എസ്.ഐ.ആർ. പൂർത്തിയായതുകൊണ്ട് പട്ടിക മരവിക്കില്ലെന്നും കോടതി വ്യക്തമാക്കി.
കേരളത്തിൽ എൻയുമറേഷൻ ഫോമുകൾ സമർപ്പിക്കാൻ കഴിയാതിരുന്നവരുടെ വിവരങ്ങൾ സമർപ്പിക്കാൻ സി.പി.എമ്മിനോടും കോടതി നിർദേശിച്ചു. പരാതികൾ പരിശോധിച്ച് സ്വീകരിച്ച നടപടികൾ സംബന്ധിച്ച് റിപ്പോർട്ട് നൽകാനും തിരഞ്ഞെടുപ്പ് കമ്മിഷനോട് ആവശ്യപ്പെട്ടു.
അതേസമയം, ഉത്തർപ്രദേശിലെ എസ്.ഐ.ആർ. നടപടിക്കിടെ വോട്ടർപട്ടികയിൽനിന്ന് പേരുകൾ നീക്കം ചെയ്യാൻ ഉപയോഗിക്കുന്ന ഫോം 7 കൂട്ടമായി സമർപ്പിച്ചതുമായി ബന്ധപ്പെട്ട ക്രമക്കേട് ആരോപണങ്ങളും കോടതി പരിഗണിച്ചു. ഇത്തരം പരാതികൾ പരിശോധിച്ച് ആവശ്യമായ തിരുത്തൽ നടപടികൾ സ്വീകരിക്കാനും കമ്മിഷനോട് നിർദേശിച്ചിട്ടുണ്ട്.
ചീഫ് ജസ്റ്റിസ് സൂര്യകാന്ത്, ജസ്റ്റിസുമാരായ ജോയ്മല്യ ബാഗ്ചി, വി. മോഹന എന്നിവരടങ്ങിയ ബെഞ്ചാണ് നിർദേശം നൽകിയത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.