ന്യൂഡൽഹി: കരിങ്കടലിൽ ആക്രമണത്തിനിരയായ വാണിജ്യക്കപ്പലിൽനിന്ന് രക്ഷപ്പെടുത്തിയ മൂന്ന് ഇന്ത്യൻ നാവികർ റൊമാനിയയിൽനിന്ന് ഇന്ത്യയിലേക്ക് തിരിച്ചു. സാഹിൽ സന്ധു, അശ്വിനി കുമാർ, ഹർമൻ സിങ് എന്നിവരാണ് നാട്ടിലേക്ക് പുറപ്പെട്ടത്. ഇവരുടെ മടക്കയാത്രയ്ക്ക് ആവശ്യമായ എല്ലാ സഹായങ്ങളും നൽകിയതായി ബുക്കാറെസ്റ്റിലെ ഇന്ത്യൻ എംബസി അറിയിച്ചു.
ഒക്ടോബർ 5ന് എംവി റോയാദ് മമ്മദോവ് എന്ന കപ്പലിന് നേരെയുണ്ടായ ആക്രമണത്തെത്തുടർന്നാണ് മൂന്ന് ഇന്ത്യക്കാരും അപകടത്തിലായത്. യുക്രെയ്‌നിലെ ഇസ്മായിൽ തുറമുഖത്തുനിന്ന് ഇറ്റലിയിലെ റാവെന്നയിലേക്ക് ധാന്യവുമായി പോകുകയായിരുന്ന കപ്പലിന് കരിങ്കടലിൽ തീപിടിക്കുകയും പിന്നീട് കപ്പൽ മുങ്ങുകയും ചെയ്തു. സംഭവത്തിൽ രണ്ട് വിദേശ നാവികർ കൊല്ലപ്പെടുകയും ജീവനക്കാരിൽ ചിലർക്ക് പരിക്കേൽക്കുകയും ചെയ്തു.
മൂന്ന് ഇന്ത്യക്കാരും രക്ഷപ്പെട്ടതായി ഇന്ത്യൻ എംബസി നേരത്തേ സ്ഥിരീകരിച്ചിരുന്നു. ഇവരിൽ ഒരാൾക്ക് പരിക്കേറ്റതിനെത്തുടർന്ന് റൊമാനിയയിലെ കോൺസ്റ്റാൻറ കൗണ്ടി ആശുപത്രിയിൽ ചികിത്സ നൽകി. മൂന്നുപേരുടെയും ആരോഗ്യനില തൃപ്തികരമാണെന്ന് അധികൃതർ അറിയിച്ചിരുന്നു.
ഇന്ത്യക്കാരുടെ സുരക്ഷിതമായ മടക്കയാത്ര ഉറപ്പാക്കാൻ റൊമാനിയൻ അധികൃതർ, ആശുപത്രി ജീവനക്കാർ, രക്ഷാപ്രവർത്തകർ എന്നിവരുമായി ഏകോപനം നടത്തിയതായും എംബസി വ്യക്തമാക്കി. അന്താരാഷ്ട്ര കപ്പൽഗതാഗത പാതകളിലെ ആക്രമണങ്ങൾ നാവികരുടെ സുരക്ഷയ്ക്കും ആഗോള വ്യാപാരത്തിനും ഭീഷണിയാണെന്ന് ഇന്ത്യ നേരത്തേ പ്രതികരിച്ചിരുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.