ഇംഫാൽ: മണിപ്പൂരിലെ കുന്നിൻ ജില്ലകളിൽ വീണ്ടും രൂക്ഷമായ സംഘർഷം. 24 മണിക്കൂറിനിടെ മൂന്ന് ജില്ലകളിലുണ്ടായ വിവിധ അക്രമസംഭവങ്ങളിൽ ഒൻപത് പേർ കൊല്ലപ്പെട്ടതായും കുറഞ്ഞത് 14 വീടുകൾക്ക് തീയിട്ടതായും റിപ്പോർട്ട്. കാംജോങ്, കാങ്‌പോക്പി, ഉഖ്രുൽ ജില്ലകളിലാണ് അക്രമസംഭവങ്ങൾ റിപ്പോർട്ട് ചെയ്തത്.
കുക്കി, നാഗ വിഭാഗങ്ങൾക്കിടയിലെ സംഘർഷമാണ് സ്ഥിതിഗതികൾ കൂടുതൽ വഷളാക്കിയത്. വെടിവയ്പ്പുകളും പതിയിരുന്നുള്ള ആക്രമണങ്ങളും വീടുകൾക്ക് തീയിടുന്ന സംഭവങ്ങളും റിപ്പോർട്ട് ചെയ്തിട്ടുണ്ട്. അക്രമസംഭവങ്ങളുടെ പശ്ചാത്തലത്തിൽ കാംജോങ് ജില്ലയിലെ ചസാദ് പൊലീസ് സ്റ്റേഷന് സമീപം നിരോധനാജ്ഞ ഏർപ്പെടുത്തി. കാങ്‌പോക്പി ജില്ലയിൽ അടച്ചിടലിനും ആഹ്വാനമുണ്ടായി.
സംസ്ഥാനത്ത് സമാധാനവും സ്ഥിരതയും പുനഃസ്ഥാപിക്കുന്നതിനുള്ള നടപടികൾ ചർച്ച ചെയ്യാൻ മുഖ്യമന്ത്രി വൈ. ഖേംചന്ദ് സിങ് പ്രധാനമന്ത്രി നരേന്ദ്ര മോദിയുമായി ന്യൂഡൽഹിയിൽ കൂടിക്കാഴ്ച നടത്തി. സമാധാനം പുനഃസ്ഥാപിക്കാനുള്ള സംസ്ഥാന സർക്കാരിന്റെ ശ്രമങ്ങൾക്ക് കേന്ദ്രത്തിന്റെ പൂർണ പിന്തുണ പ്രധാനമന്ത്രി ഉറപ്പുനൽകിയതായി റിപ്പോർട്ടുകൾ വ്യക്തമാക്കുന്നു.
സംഘർഷത്തിൽ ജീവൻ നഷ്ടപ്പെട്ടവരുടെ കുടുംബങ്ങളെ അനുശോചനം അറിയിച്ച മുഖ്യമന്ത്രി, സ്ഥിതിഗതികൾ നിയന്ത്രിക്കാനും ജനങ്ങളുടെ സുരക്ഷ ഉറപ്പാക്കാനും ബന്ധപ്പെട്ട ഉദ്യോഗസ്ഥർക്ക് നിർദേശം നൽകി. അക്രമസംഭവങ്ങളിൽ അന്വേഷണം തുടരുകയാണ്. കൂടുതൽ സംഘർഷങ്ങൾ ഒഴിവാക്കാൻ സംയമനം പാലിക്കണമെന്നും സമാധാനശ്രമങ്ങളുമായി സഹകരിക്കണമെന്നും അധികൃതർ ജനങ്ങളോട് അഭ്യർഥിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.