കോട്ടയം: ഭാരതീയ അഭിഭാഷക പരിഷത്ത് കോട്ടയം ജില്ലാ കോടതി യൂണിറ്റിന്റെ കുടുംബസംഗമം കോട്ടയം സിറ്റിസൺ ക്ലബ് ഓഡിറ്റോറിയത്തിൽ നടന്നു. ഒക്ടോബർ 2ന് നടന്ന പരിപാടി മുതിർന്ന അഭിഭാഷക അഡ്വ. നിർമല പരമേശ്വരൻ നമ്പൂതിരി ഭദ്രദീപം കൊളുത്തി ഉദ്ഘാടനം ചെയ്തു.
ഭാരതീയ അഭിഭാഷക പരിഷത്തിന്റെ മുൻ യൂണിറ്റ് സെക്രട്ടറിയായിരുന്ന അഡ്വ. വി.ജി. വിജയകുമാറിനെ അഡ്വ. കെ. സേതുലക്ഷ്മി അനുസ്മരിച്ചു. സംഘടനയുടെ പ്രവർത്തനങ്ങളിൽ അദ്ദേഹം നൽകിയ സംഭാവനകളും സേവനങ്ങളും അനുസ്മരണ പ്രസംഗത്തിൽ പരാമർശിച്ചു.
അഭിഭാഷകരുടെ മക്കളിൽ ഉന്നത വിജയം നേടിയവരെയും ചടങ്ങിൽ അനുമോദിച്ചു. യൂണിവേഴ്സിറ്റി സെനറ്റ് മെമ്പറായി തിരഞ്ഞെടുക്കപ്പെട്ട അഡ്വ. എൻ. ശങ്കർ റാമിനെയും യോഗം ആദരിച്ചു.
അഡ്വ. പി. അശോക്, അഡ്വ. ബിന്ദു എബ്രഹാം, അഡ്വ. അജി ആർ. നായർ, അഡ്വ. അജയകുമാർ, അഡ്വ. രമാദേവി എന്നിവർ സംസാരിച്ചു.
കുടുംബസംഗമത്തിന്റെ ഭാഗമായി അഭിഭാഷകരും അവരുടെ മക്കളും പങ്കെടുത്ത വിവിധ കലാപരിപാടികളും കായിക മത്സരങ്ങളും സംഘടിപ്പിച്ചു. അഭിഭാഷക സമൂഹത്തിലെ കുടുംബാംഗങ്ങൾ തമ്മിലുള്ള സൗഹൃദവും കൂട്ടായ്മയും ശക്തിപ്പെടുത്തുന്നതിന് സംഗമം വേദിയായി. കുടുംബാംഗങ്ങളുടെ സജീവ പങ്കാളിത്തത്തോടെ നടന്ന പരിപാടി സൗഹൃദത്തിന്റെയും കുടുംബബന്ധങ്ങളുടെയും ഊഷ്മളത പകരുന്നതായി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.