തിരുവനന്തപുരം: യൂണിവേഴ്സിറ്റി മെൻസ് ഹോസ്റ്റലിലെ പോലീസ് നടപടിക്കെതിരെ ആഭ്യന്തരമന്ത്രി രമേശ് ചെന്നിത്തലയ്ക്ക് എസ്.എഫ്.ഐ പരാതി നൽകി. മുൻമന്ത്രി വി. ശിവൻകുട്ടിയോടൊപ്പമാണ് എസ്.എഫ്.ഐ സംസ്ഥാന ഭാരവാഹികൾ മന്ത്രിയെ കാണാനെത്തിയത്.
ആരോഗ്യപ്രശ്നങ്ങൾ മൂലം സ്വകാര്യ ആശുപത്രിയിൽ ചികിത്സയിൽ കഴിയുന്ന ആഭ്യന്തരമന്ത്രിയെ നേരിൽ കണ്ടാണ് ഇവർ പരാതി കൈമാറിയത്.
കന്റോൺമെന്റ് സ്റ്റേഷനിലെ രണ്ടു പോലീസ് ഉദ്യോഗസ്ഥർ പ്രതികാരബുദ്ധിയോടെ പെരുമാറുന്നുവെന്ന് പരാതിയിൽ ചൂണ്ടിക്കാട്ടിയിട്ടുണ്ട്. ഇവരുടെ രാഷ്ട്രീയചായ്‌വും നേതാക്കൾ മന്ത്രിയുടെ ശ്രദ്ധയിൽപ്പെടുത്തി.
കഴിഞ്ഞ ദിവസം രാത്രി ഹോസ്റ്റലിലെത്തിയ പോലീസുകാർ എസ്.എഫ്.ഐ ഭാരവാഹികൾ ഉൾപ്പെടെയുള്ളവരെ മർദിക്കുന്നതിന്റെ വീഡിയോ ദൃശ്യങ്ങളും പരാതിയോടൊപ്പം മന്ത്രിക്ക് കൈമാറി. യാതൊരു പ്രകോപനവുമില്ലാതെയാണ് പോലീസ് നടപടിയുണ്ടായതെന്നും, കുറ്റക്കാരായ ഉദ്യോഗസ്ഥർക്കെതിരെ ശക്തമായ നടപടി വേണമെന്നും എസ്.എഫ്.ഐ പരാതിയിൽ ആവശ്യപ്പെടുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.