മാഡ്രിഡ്: സ്പെയിനിൽ രണ്ട് അതിവേഗ ട്രെയിനുകൾ കൂട്ടിയിടിച്ചുണ്ടായ ശക്തമായ അപകടത്തിൽ കുറഞ്ഞത് 64 പേർ കൊല്ലപ്പെട്ടു.
നിരവധി പേർക്ക് ഗുരുതരമായി പരിക്കേറ്റിട്ടുണ്ട്. സ്പാനിഷ് തലസ്ഥാനമായ മാഡ്രിഡിനെ തെക്കൻ അൻഡലൂഷ്യയുമായി ബന്ധിപ്പിക്കുന്ന പ്രധാന റെയിൽവേ പാതയിലാണ് നടുക്കുന്ന ദുരന്തമുണ്ടായത്.
അപകടത്തെ തുടർന്ന് ഈ റൂട്ടിലെ മുഴുവൻ ട്രെയിൻ ഗതാഗതവും റെയിൽവേ ഓപ്പറേറ്ററായ അഡിഫ് (Adif) പൂർണ്ണമായി നിർത്തിവെച്ചു. രക്ഷാപ്രവർത്തനം പുരോഗമിച്ചുകൊണ്ടിരിക്കുകയാണെന്നും മരണസംഖ്യ ഇനിയും ഉയരാൻ സാധ്യതയുണ്ടെന്നും കാസ്റ്റില്ല-ലാ മഞ്ച (Castilla-La Mancha) മേഖല വക്താവ് എസ്തർ പാഡില്ല വ്യക്തമാക്കി.
അപകടത്തിൽപ്പെട്ട ഇറിയോ (Iryo) ട്രെയിനിൽ 147 യാത്രക്കാരും, റെൻഫെ (Renfe) ട്രെയിനിൽ 397 യാത്രക്കാരുമാണ് ആകെ ഉണ്ടായിരുന്നത്. രണ്ട് ട്രെയിനുകളിലുമായി 500-ലധികം ആളുകളാണ് യാത്രാ ചെയ്യPതിരുന്നത്. വിവരമറിഞ്ഞ് അടിയന്തര രക്ഷാസേനയും മെഡിക്കൽ സംഘവും ഹെലികോപ്റ്ററുകളും സ്ഥലത്ത് എത്തിയിട്ടുണ്ട്. സ്പെയിനിനെ ഞെട്ടിച്ച ഈ റെയിൽവേ ദുരന്തത്തിന്റെ യഥാർത്ഥ കാരണം കണ്ടെത്താൻ അധികാരികൾ ഔദ്യോഗിക അന്വേഷണം ആരംഭിച്ചിട്ടുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.