മലപ്പുറം: ദേശീയപാത 66-ൽ സ്പീഡ് ട്രാക്കിലൂടെ അപകടകരമായ രീതിയിൽ എതിർദിശയിൽ കാറോടിച്ച സംഭവത്തിൽ മോട്ടോർ വാഹന വകുപ്പ് (MVD) കേസെടുത്ത് കോടതിക്ക് കൈമാറി.
മലപ്പുറം ജില്ലയിലെ കൊളപ്പുറത്താണ് മറ്റ് വാഹനങ്ങൾക്കും യാത്രക്കാർക്കും കടുത്ത ഭീഷണിയുയർത്തി കാർ എതിർദിശയിലൂടെ പാഞ്ഞത്.
വാഹനത്തിന്റെ ഉടമ വിദേശത്തായതിനാൽ, സംഭവസമയത്ത് കാറോടിച്ചിരുന്നത് ഇയാളുടെ ബന്ധുവാണെന്നാണ് പ്രാഥമിക വിവരം. ഡ്രൈവർക്കെതിരെ ലൈസൻസ് റദ്ദാക്കുന്നത് ഉൾപ്പെടെയുള്ള കർശന ശിക്ഷാനടപടികൾ സ്വീകരിക്കുന്നതിൻ്റെ ഭാഗമായി മലപ്പുറം ആർ.ടി.ഒ എൻഫോഴ്സ്മെന്റ് ഓഫീസിൽ നേരിട്ട് ഹാജരാകാൻ അധികൃതർ നോട്ടീസ് അയച്ചു.
ആറുവരിപ്പാതകളിൽ ഇത്തരം അശ്രദ്ധമായ ഡ്രൈവിംഗ് അത്യന്തം അപകടകരവും ആത്മഹത്യാപരവുമാണെന്ന് മോട്ടോർ വാഹന വകുപ്പ് വ്യക്തമാക്കി. വൺവേ ലംഘിച്ചും എതിർദിശയിലും വാഹനം ഓടിക്കുന്നവർക്കെതിരെ ലൈസൻസ് റദ്ദാക്കൽ ഉൾപ്പെടെയുള്ള കടുത്ത നിയമനടപടികൾ സ്വീകരിക്കുമെന്ന് അധികൃതർ മുന്നറിയിപ്പ് നൽകി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.