ടെഹ്‌റാൻ: സർക്കാർ വിരുദ്ധ പ്രക്ഷോഭങ്ങളില്‍ പങ്കെടുത്തതിന് ഇറാനില്‍ 19കാരായ ഇരട്ടസഹോദരിമാരില്‍ ഒരാള്‍ക്ക് വധശിക്ഷയും മറ്റൊരാള്‍ക്ക് കഠിനതടവും.
ഇരുവരെയും എവിടെയാണ് കൊണ്ടുപോയതെന്ന് നാലുമാസം വരെ വീട്ടുകാർക്ക് വിവരം ലഭിച്ചിരുന്നില്ല. മാതാവ് മർസിയ നോർമൊഹമ്മദി ആശുപത്രികളിലും സർക്കാർ സ്ഥാപനങ്ങളിലും നടത്തിയ തെരച്ചിലിനൊടുവില്‍ ഇസ്‌ഫഹാനിലെ ദൗലതാബാദ് ജയിലില്‍ മക്കളെ പാർപ്പിച്ചിരിക്കുന്നതായി കണ്ടെത്തി.
കഴിഞ്ഞ മേയിലാണ് മക്കളെ കാണാൻ മാതാവിന് അനുമതി ലഭിച്ചത്. എന്നാല്‍ ഇരുവരുടെയും ശരീരവും മുഖവും മർദ്ദനമേറ്റ് വീർത്ത് പോയതിനാല്‍ സ്വന്തം മക്കളെ തിരിച്ചറിയാൻ മർസിയക്ക് സാധിച്ചില്ല. പെണ്‍കുട്ടികളുടെ കൈമുട്ടും കാല്‍മുട്ടും കാല്‍പാദങ്ങളും തകർന്ന നിലയിലായിരുന്നുവെന്ന് ഒരു ബന്ധുവും പറഞ്ഞു. മുടി മുഴുവൻ പിഴുതെടുത്ത നിലയിലായിരുന്നു. ഇവരെ ഏകാന്ത തടവിലായിരുന്നു പാർപ്പിച്ചിരുന്നത്.
തന്നെ ക്രൂരമായി പീഡിപ്പിച്ചതായും ബലമായി കുറ്റസമ്മതം നടത്തിച്ചതായും തരാനെ കോടതിയില്‍ അറിയിച്ചു. കുറ്റസമ്മതപത്രത്തില്‍ ഒപ്പുവച്ചില്ലെങ്കില്‍ തന്റെ മുന്നില്‍വച്ച്‌ സഹോദരിയെ ബലാത്സംഗം ചെയ്യുമെന്ന് ജയില്‍ ഗാർഡുകള്‍ തരാനെയെ ഭീഷണിപ്പെടുത്തിയതായി കുടുംബം ആരോപിക്കുന്നു.
മക്കളുടെ വിചാരണവേളയില്‍ പങ്കെടുക്കാൻ മർസിയയ്ക്ക് അനുമതി ലഭിച്ചിരുന്നില്ല. കഠിനമായ പീഡനത്തിനുശേഷമാണ് സഹോദരിമാരെക്കൊണ്ട് കുറ്റസമ്മതം നടത്തിച്ചതെന്ന് ഇവരുടെ അഭിഭാഷകൻ കോടതിയില്‍ അറിയിച്ചു.
പ്രക്ഷോഭത്തിനിടെയുണ്ടായ അക്രമങ്ങളില്‍ സഹോദരിമാർ പങ്കെടുത്തതിന് തെളിവില്ലെന്നും ഇരുവരും മുൻപൊരിക്കലും പ്രക്ഷോഭങ്ങളില്‍ പങ്കെടുത്തിട്ടില്ലെന്നും അഭിഭാഷകൻ വ്യക്തമാക്കി.
ജനുവരി എട്ട്, ഒൻപത് തീയതികളില്‍ ഇസ്‌ഫഹാനില്‍ നടന്ന പ്രക്ഷോഭത്തിലാണ് ദശലക്ഷക്കണക്കിനുപേ‌ർക്കൊപ്പം ഇരട്ട സഹോദരിമാരും പങ്കെടുത്തത്. ഒരുമാസത്തിനുശേഷം ഇരുവരെയും വീട്ടില്‍ നിന്ന് പിടിച്ചുകൊണ്ടുപോവുകയായിരുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.