ആലപ്പുഴ: നാടിനെ ഞെട്ടിച്ച കരുവാറ്റ വയോധികൻ ശിവൻകുട്ടിയുടെ കൊലപാതക കേസിൽ നിർണായക വഴിതിരിവ്. കേസിൽ ഉൾപ്പെട്ടിട്ടുള്ള പ്രായപൂർത്തിയാകാത്ത പ്രതികളെ കസ്റ്റഡിയിൽ വിടാൻ കോടതി ഉത്തരവിട്ടു. പ്രായപൂർത്തിയാകാത്ത കുറ്റവാളികളുടെ കാര്യത്തിൽ സ്വീകരിക്കുന്ന സാധാരണ നടപടിക്രമങ്ങളിൽ നിന്ന് വ്യത്യസ്തമായ ഈ ഉത്തരവ് വലിയ നിയമചർച്ചകൾക്കാണ് വഴിവെച്ചിരിക്കുന്നത്.
കഴിഞ്ഞ മാസം ഹരിപ്പാട് കരുവാറ്റയിലാണ് 65 കാരനായ ശിവൻകുട്ടി കൊല്ലപ്പെട്ടത്. കൊച്ചുമകളായ 13 കാരിയും സോഷ്യൽ മീഡിയയിലൂടെ പരിചയപ്പെട്ട പ്രായപൂർത്തിയാകാത്ത മറ്റ് മൂന്ന് സുഹൃത്തുക്കളും ചേർന്ന് ആസൂത്രണം ചെയ്തു നടപ്പാക്കിയ കൊലപാതകമാണിതെന്ന് അന്വേഷണത്തിൽ തെളിഞ്ഞിരുന്നു. മോഷണശ്രമത്തിനിടയിലായിരുന്നു കൊലപാതകം. കേസിന്റെ ഗൗരവവും കുറ്റകൃത്യത്തിലെ ക്രൂരതയും കണക്കിലെടുത്താണ് പ്രതികളെ കസ്റ്റഡിയിൽ വേണമെന്ന പൊലീസിന്റെ ആവശ്യം കോടതി അംഗീകരിച്ചത്.
കുട്ടികളുടെ പ്രായവും നിയമപരമായ സുരക്ഷയും മുൻനിർത്തി ഇത്തരം കേസുകളിൽ സാധാരണയായി കസ്റ്റഡി അപേക്ഷകൾ കർശനമായി പരിശോധിക്കാറുള്ളപ്പോഴാണ് ഈ അസാധാരണ ഉത്തരവ് വന്നിരിക്കുന്നത്. പ്രതികളെ കസ്റ്റഡിയിൽ ലഭിക്കുന്നതോടെ കൂടുതൽ തെളിവെടുപ്പുകളും ചോദ്യം ചെയ്യലുകളും വേഗത്തിലാക്കാനാണ് അന്വേഷണ സംഘത്തിന്റെ തീരുമാനം.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.