ദുബായ്: യുഎഇയിലെ വിദ്യാഭ്യാസ മന്ത്രാലയത്തിന്റെ ഏകീകൃത അക്കാദമിക് കലണ്ടറുമായി പൊരുത്തപ്പെടുന്നതിന്റെ ഭാഗമായി ദുബായിലെ സ്വകാര്യ സ്കൂളുകളുടെ ഒക്ടോബർ ഹാഫ് ടേം (മിഡ്-ടേം) അവധി ദിവസങ്ങളിൽ മാറ്റം വരുത്തി. ബ്രിട്ടീഷ് കരിക്കുലം ഉൾപ്പെടെയുള്ള ചില സ്വകാര്യ സ്കൂളുകളാണ് അവധി തീയതികൾ തിരുത്തി രക്ഷിതാക്കൾക്ക് പുതിയ അറിയിപ്പ് നൽകിയത്.
പുതുക്കിയ ഷെഡ്യൂൾ പ്രകാരം ഒക്ടോബർ 12 മുതൽ 16 വരെയാണ് സ്കൂളുകൾക്ക് അവധി നൽകിയിരിക്കുന്നത്. വാരാന്ത്യ അവധി ദിവസങ്ങൾ കൂടി കണക്കാക്കുമ്പോൾ വിദ്യാർത്ഥികൾക്ക് തുടർച്ചയായി ഒന്നു മുതൽ ഒൻപത് ദിവസത്തോളം നീളുന്ന ഇടവേള ലഭിക്കുന്ന രീതിയിലാണ് ക്രമീകരണം. നേരത്തെ ഒക്ടോബർ 19 മുതൽ 23 വരെ നിശ്ചയിച്ചിരുന്ന അവധിയാണ് യുഎഇയുടെ പൊതു അക്കാദമിക് കലണ്ടറുമായി ഒപ്പത്തിനൊപ്പം എത്തിക്കുന്നതിന്റെ ഭാഗമായി ഒരു ആഴ്ച മുന്നോട്ട് പുനഃക്രമീകരിച്ചത്.
വിദ്യാഭ്യാസ മന്ത്രാലയത്തിന്റെ നിർദ്ദേശങ്ങൾ കർശനമായി പാലിക്കണമെന്ന് ദുബായ് നോളജ് ആന്റ് ഹ്യൂമൻ ഡെവലപ്‌മെന്റ് അതോറിറ്റിയും (KHDA) സ്കൂളുകൾക്ക് വ്യക്തമാക്കിയിട്ടുണ്ട്. ഇതുപ്രകാരം മാറ്റം വരുത്തിയ തീയതികൾ പ്രകാരമുള്ള അവധി ദിനങ്ങളിൽ മാറ്റമുണ്ടോ എന്നറിയാൻ രക്ഷിതാക്കൾ അതത് സ്കൂളുകളുടെ ഔദ്യോഗിക പോർട്ടലുകളോ ഇമെയിൽ സന്ദേശങ്ങളോ പരിശോധിക്കേണ്ടതാണ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.