പുനര്‍ജന്മത്തിനായി മൃതദേഹം 4 വര്‍ഷം സൂക്ഷിച്ചുവെച്ച്‌ മക്കള്‍: ദുര്‍ഗന്ധം വന്നതോടെ പൊലീസില്‍ പരാതി നല്‍കി നാട്ടുകാര്‍,

മുംബൈ: പുനർജന്മത്തിനായി അച്ഛന്റെ മൃതദേഹം നാല് വർഷം സൂക്ഷിച്ച്‌ വെച്ച്‌ മക്കള്‍. മുംബൈ മലാഡിലാണ് സംഭവം. 78കാരന്റെ മൃതദേഹമാണ് ഒടുവില്‍ കണ്ടെത്തിയിരിക്കുന്നത്.

പൂട്ടിയിട്ട കെട്ടിടത്തിലാണ് മൃതദേഹം സൂക്ഷിച്ചിരുന്നത്. ദുർഗന്ധം വമിച്ചതോടെ നാട്ടുകാർ പരാതി നല്‍കുകയായിരുന്നു. അച്ഛന്റെ മൃതദേഹം സൂക്ഷിക്കാൻ മകനും മകളും ചേർന്നാണ് സംവിധാനമൊരുക്കിയത്. യു എസിലുളള മകള്‍ പുനർജന്മത്തില്‍ വിശ്വസിച്ചിരുന്നു. 

മൃതദേഹം ഫ്രീസറില്‍ സൂക്ഷിക്കാൻ മാസം 1.6 ലക്ഷം രൂപ ചെലവാക്കി. സ്വാഭാവിക മരണമെന്നും ദീർഘകാലം മൃതദേഹം സൂക്ഷിച്ചതില്‍ അസ്വഭാവികതയെന്നും പോലീസ് വ്യക്തമാക്കുന്നു.