ഹൈദരാബാദ്: ഗണേശ നിമജ്ജന ഘോഷയാത്രയ്ക്കിടെ ഇരുചക്ര വാഹനമിടിച്ച്‌ പൊലീസ് സബ് ഇൻസ്പെക്ടർക്ക് ദാരുണാന്ത്യം. ഹെദരാബാദിലാണ് സംഭവം. 55കാരനായ കെ വെങ്കണ്ണയ്ക്കാണ് ഡ്യൂട്ടിക്കിടെ ജീവൻ നഷ്ടമായത്.
ഗണേശ നിമജ്ജന ഘോഷയാത്രയോട് അനുബന്ധിച്ചുള്ള ക്രമീകരണങ്ങള്‍ക്ക് വേണ്ടിയാണ് വെങ്കണ്ണ ഉള്‍പ്പെടെ ഉള്ള പൊലീസുകാരെ സ്ഥലത്ത് വിന്യസിച്ചിരുന്നത്. വെങ്കണ്ണയും മറ്റൊരു പൊലീസ് ഉദ്യോഗസ്ഥനും റോഡ് മുറിച്ചു കടക്കുന്നതിനിടെ അജ്ഞാത സംഘം ഓടിച്ച ഇരുചക്ര വാഹനം ഇടിക്കുകയും നിർത്താതെ പോകുകയുമായിരുന്നു.
ഇടിയുടെ ആഘാതത്തില്‍ വെങ്കണ്ണ റോഡില്‍ വീണു. പിന്നീട് നിസ്സാര പരിക്ക് മാത്രമേ ഉണ്ടെന്ന് കരുതി വാറങ്കലിലേക്ക് പോയെങ്കിലും തലകറക്കവും അസ്വസ്ഥതയും അനുഭവപ്പെടുകയായിരുന്നു. കുടുംബാംഗങ്ങള്‍ ചേർന്ന് വെങ്കണ്ണയെ വാറങ്കലിലെ എംജിഎം ആശുപത്രിയില്‍ പ്രവേശിപ്പിച്ചെങ്കിലും ചികിത്സയ്ക്കിടെ മരണം സംഭവിച്ചു.
അപകടത്തിൻ്റെ സിസിടിവി ദൃശ്യങ്ങളില്‍ ഇരുചക്ര വാഹനം ഇടിച്ചു വെങ്കണ്ണ റോഡില്‍ വീഴുന്നതും പിന്നീട് വാഹനം നിർത്താതെ പോകുന്നതും വ്യക്തമാണ്. കൂടുതല്‍ സിസിടിവി ദൃശ്യങ്ങളടക്കം ശേഖരിച്ചു ഇരുചക്ര വാഹനവും വാഹനത്തില്‍ ഉണ്ടായിരുന്നവരെയും തിരിച്ചറിയാനുള്ള ശ്രമം തുടരുകയാണ് പൊലീസ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.