കാസർകോട്: കാസർകോട് മഞ്ചേശ്വരം ഉപ്പളയിൽ ഒരേ രജിസ്ട്രേഷൻ നമ്പറിൽ സർവീസ് നടത്തിയ രണ്ട് കറുത്ത നിറത്തിലുള്ള മഹീന്ദ്ര ഥാർ (Mahindra Thar) വാഹനങ്ങൾ പൊലീസ് കസ്റ്റഡിയിലെടുത്തു. ഒരേ റോഡിൽ ഒരേ നമ്പറിൽ രണ്ട് വാഹനങ്ങൾ അടുത്തടുത്ത് കണ്ടത് നാട്ടുകാരിൽ വലിയ തോതിൽ സംശയത്തിന് ഇടയാക്കിയിരുന്നു. തുടർന്ന് നാട്ടുകാർ നൽകിയ വിവരത്തിന്റെ അടിസ്ഥാനത്തിലാണ് പൊലീസ് നടപടി സ്വീകരിച്ചത്.
മഞ്ചേശ്വരം സ്റ്റേഷൻ ഹൗസ് ഓഫീസർ വിഷ്ണു, എസ്.ഐ. ശബരി എന്നിവരുടെ നേതൃത്വത്തിലുള്ള പൊലീസ് സംഘമാണ് വാഹനങ്ങൾ കസ്റ്റഡിയിലെടുത്തത്. നടത്തിയ അന്വേഷണത്തിൽ ഒരു വാഹനത്തിന് ഫിനാൻസ് കമ്പനിയുടെ തിരിച്ചടവ് മുടങ്ങിയതിനെ തുടർന്ന് ഫിനാൻസുകാരുടെ പരിശോധന വെട്ടിക്കാനായി മറ്റൊരു വാഹനത്തിന്റെ നമ്പർ വ്യാജമായി ഉണ്ടാക്കി ഉപയോഗിക്കുകയായിരുന്നു എന്ന് വ്യക്തമായി. യഥാർത്ഥ വാഹനത്തിന്റെ ഉടമ പൊലീസ് സ്റ്റേഷനിൽ ഹാജരായിട്ടുണ്ട്. സംഭവത്തിൽ വിശദമായ അന്വേഷണം ആരംഭിച്ചതായി പൊലീസ് അറിയിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.