പട്ന: ബിഹാറിൽ സർക്കാർ ഉദ്യോഗസ്ഥരായ ദമ്പതികളുടെ വീട്ടിൽ നടത്തിയ വിജിലൻസ് റെയ്ഡിൽ കോടികൾ വിലമതിക്കുന്ന സ്വത്തുക്കളും സ്വർണാഭരണങ്ങളും പിടിച്ചെടുത്തു. പട്നയിലെ അഡീഷണൽ ഡിസ്ട്രിക്റ്റ് ജിസ്ട്രേറ്റ് (സപ്ലൈ) രവീന്ദ്ര കുമാർ ദിവാകറിന്റെയും ദാനാപ്പൂരിലെ ജില്ലാ സബ്-രജിസ്ട്രാറായ അദ്ദേഹത്തിന്റെ ഭാര്യ കുമാരി സ്മിതിയുടെയും വവസതികളിലാണ് പരിശോധന നടന്നത്.
അനധികൃത സ്വത്ത് സമ്പാദനവുമായി ബന്ധപ്പെട്ട് ലഭിച്ച പരാതിയെ തുടർന്നാണ് ബിഹാറിലെ വിജിലൻസ് സംഘം റെയ്ഡ് നടത്തിയത്. ദമ്പതികൾ ഇപ്പോൾ താമസിക്കുന്ന പട്നയിലെ വീട്ടിലും ഇവരുടെ ബെഗുസരായിയിലെ മറ്റൊരു വീട്ടിലും ഒരേ സമയമാണ് പരിശോധന നടത്തിയത്.
വിജിലൻസ് ഡിഐജിയുടെ നേതൃത്വത്തിലായിരുന്നു റെയ്ഡ്. ഒരു കോടിയോളം രൂപയും സ്വർണാഭരണങ്ങളും 48 ആഡംബര വാച്ചുകൾ ഉൾപ്പെടെയുള്ള വലിയ ശേഖരവും കണക്കിൽപെടാത്ത സ്വത്തുക്കളും വിജിലൻസ് കണ്ടെത്തി. ബാങ്ക് അക്കൗണ്ടുകൾ, നിക്ഷേപങ്ങൾ, സാമ്പത്തിക ഇടപാടുകൾ എന്നിവയുമായി ബന്ധപ്പെട്ട രേഖകളും പിടിച്ചെടുത്തിട്ടുണ്ട്. പട്നയിൽ രവീന്ദ്ര കുമാർ ദിവാകറിന്റെയും ഭാര്യയുടെയും പേരിൽ 1.07 കോടി രൂപ വിലമതിക്കുന്ന രണ്ട് ഫ്ലാറ്റുകൾ വാങ്ങിയിട്ടുണ്ട്.
കൂടാതെ 1.28 കോടി രൂപ വിലമതിക്കുന്ന സ്ഥലങ്ങൾ പട്നയിൽ വാങ്ങിയിട്ടുള്ളത് ഭാര്യയുടെയും ദിവാകറിന്റെ അച്ഛന്റെയും പേരിലാണ് രജിസ്റ്റർ ചെയ്തിരിക്കുന്നത്. വിജിലൻസിന്റെ ഔദ്യോഗിക വാർത്താക്കുറിപ്പ് പുറത്തുവന്നാൽ മാത്രമേ പിടിച്ചെടുത്ത വസ്തുക്കളുടെ യഥാർത്ഥ മൂല്യം കൃത്യമായി അറിയാൻ സാധിക്കൂ.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.