കൊച്ചി: കൊച്ചി അന്താരാഷ്ട്ര വിമാനത്താവള കമ്പനിയുടെ (സിയാൽ) പുതിയ സേവനങ്ങൾക്കു മുഖ്യമന്ത്രി വി.ഡി. സതീശൻ തുടക്കമിട്ടു. സിയാൽ എഎസ്എസ് (എവിയേഷൻ കൺസൾട്ടൻസി ആൻഡ് എക്സ്പേർട്ട് സർവീസസ്), പാർക്ക് ചെയ്ത വിമാനങ്ങൾക്ക് വൈദ്യുതി എത്തിക്കുന്ന ബ്രിഡ്ജ് മൗണ്ട് എക്യുപൻസ് സർവീസ് (ബിഎംഇ) എന്നിവയാണ് മുഖ്യമന്ത്രി ഉദ്ഘാടനം ചെയ്തത്.
എല്ലാ വിമാനങ്ങൾക്കും സൗജന്യമായി ബിഎംഇ സേവനം ലഭ്യമാക്കാനാകുമെന്ന് മുഖ്യമന്ത്രി വ്യക്തമാക്കി. ഇന്ത്യയിൽ ആദ്യമായാണ് ഇത്തരമൊരു സൗജന്യ സേവനം നടപ്പാക്കുന്നതെന്നും അദ്ദേഹം കൂട്ടിച്ചേർത്തു. സിയാലിന്റെ അനുഭവ സമ്പത്ത് പുതിയ മേഖലയിലേക്ക് പകർന്നുകൊടുക്കുമെന്ന് വി.ഡി. സതീശൻ സിയാലിന്റെ വാർഷിക പൊതുയോഗത്തിൽ സംസാരിക്കവെ പറഞ്ഞു.
വിമാനത്താവള നിർമാണ ആസൂത്രണം, റൺവേ വികസനം, കാർഗോ, ഗ്രൗണ്ട് ഹാൻഡ്ലിങ്, കൊമേഴ്സ്യൽ മേഖലകളിൽ സിയാൽ കൺസൾട്ടൻസി സേവനം നൽകും. ബംഗാളിലെ ദുർഗ്ഗാപൂർ വിമാനത്താവളത്തിലെ പാസഞ്ചർ വെരിഫിക്കേഷൻ സംവിധാനമാണ് ആദ്യ പദ്ധതിയായി സിയാൽ എഎസ്എസ് നടപ്പാക്കുന്നത്. വിമാനത്താവളത്തെ മൾട്ടിമോഡൽ ലോജിസ്റ്റിക് ഹബ് ആയി വികസിപ്പിക്കുക, ഗ്ലോബൽ കൺവെൻഷൻ സെന്റർ നിർമിക്കുക തുടങ്ങിയ പദ്ധതികൾക്കും തുടക്കമിടുമെന്ന് മുഖ്യമന്ത്രി അറിയിച്ചു.
ഓഹരി ഉടമകൾക്ക് 55% ലാഭവിഹിതം നൽകാനുള്ള ഡയറക്ടർ ബോർഡിന്റെ ശുപാർശ സിയാൽ വാർഷിക പൊതുയോഗം അംഗീകരിച്ചു. 2025-26 സാമ്പത്തിക വർഷം 1,220 കോടി രൂപയുടെ മൊത്ത വരുമാനവും 502 കോടി രൂപയുടെ ലാഭവുമാണ് സിയാൽ നേടിയത്. 73,134 വിമാന സർവീസുകളാണ് കഴിഞ്ഞവർഷം നടന്നത്. 1.14 കോടി യാത്രക്കാരെയും സിയാൽ കൈകാര്യം ചെയ്തു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.