നഗോയ: ഏഷ്യൻ ഗെയിംസ് ക്രിക്കറ്റ് ക്വാർട്ടർ ഫൈനൽ മത്സരത്തിന് മുന്നോടിയായി ഇന്ത്യൻ ക്രിക്കറ്റ് താരങ്ങൾ നഗോയയിൽ പരിശീലനം ആരംഭിച്ചു. ഗെയിംസ് നഗരമായ നഗോയയ്ക്കടുത്തുള്ള കോറോഗി സ്പോർട്സ് പാർക്കിലാണ് ഞായറാഴ്ച താരങ്ങൾ എത്തിയത്. തിങ്കളാഴ്ച അഫ്ഗാനിസ്ഥാനെതിരെയാണ് ഇന്ത്യയുടെ ക്വാർട്ടർ ഫൈനൽ മത്സരം. ഇന്ത്യൻ സമയം രാവിലെ 10 മണിക്ക് മത്സരം ആരംഭിക്കും.
അതേസമയം, ഞായറാഴ്ച പരിശീലനത്തിനെത്തിയപ്പോൾ സുരക്ഷാ ഉദ്യോഗസ്ഥരുമായി നർമം പങ്കിടുന്ന മലയാളി താരം സഞ്ജു സാംസണിന്റെ ദൃശ്യങ്ങൾ പുറത്തുവന്നു. രവി ബിഷ്ണോയ്, ജസ്പ്രീത് ബുംറ, വൈഭവ് സൂര്യവംശി, തിലക് വർമ, വാഷിങ്ടൺ സുന്ദർ, ഇഷാൻ കിഷൻ തുടങ്ങിയ താരങ്ങൾ സ്വാഭാവിക നടപക്രമങ്ങൾ കഴിഞ്ഞ് അകത്തേക്ക് പ്രവേശിച്ചു. സഞ്ജു എത്തിയപ്പോഴും ദേഹപരിശോധന നടത്തുകയും ബാഗും പരിശോധിക്കുകയുമെല്ലാം ചെയ്യുന്നുണ്ട്. പോക്കറ്റിൽ നിന്നും മൊബൈൽ ഫോൺ എടുത്തുകൊടുത്തതിനു പിന്നാലെ സഞ്ജു എന്തോ 'കമന്റ്' പറയുകയും ജീവനക്കാരെല്ലാം പൊട്ടിച്ചിരിക്കുകയുമായിരുന്നു. പരിശോധനയ്ക്കു ശേഷം താരം അകത്തേക്ക് പ്രവേശിച്ചു.
ശ്രേയസ് അയ്യരുടെ നേതൃത്വത്തിൽ 15 അംഗ ഇന്ത്യൻ ടീമാണ് ഏഷ്യൻ ഗെയിംസിനായി എത്തിയിരിക്കുന്നത്. ടൂർണമെന്റിൽ പങ്കെടുക്കുന്നവരിൽ ഇന്ത്യയും ബംഗ്ലാദേശു മാത്രമാണ് ഒന്നാംനിര ടീമിനെ അയച്ചിരിക്കുന്നത്. ഏഷ്യൻ ഗെയിംസ് നടക്കുമ്പോൾ തന്നെ വെസ്റ്റ് ഇൻഡീസിനെതിരായ ഏകദിന പരമ്പര നാട്ടിലും നടക്കുന്നുണ്ട്. ഇന്ന് തിരുവനന്തപുരത്താണ് ആദ്യ ഏകദിന മത്സരം.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.