പല കേസുകളിലും ഹൃദയാഘാതം സംഭവിക്കുന്നതിന് മുമ്പ് തന്നെ ചില ലക്ഷണങ്ങള് പ്രകടമാകാറുണ്ട്. ക്യത്യമായ സമയത്ത് ഈ ലക്ഷണങ്ങള് തിരിച്ചറിഞ്ഞാല് ഹൃദയത്തിന് ആവശ്യമായ പരിരക്ഷ നല്കാൻ സാധിക്കും.
ഉറക്കമില്ലായ്മയും സാധാരണയില് നിന്ന് അധികമായുള്ള ക്ഷീണവും ശ്വാസം എടുക്കാനുള്ള ബുദ്ധിമുട്ടുകളുമാണ് പൊതുവെ ഹൃദയാഘാതത്തിന്റെ ലക്ഷണങ്ങള്. ഈ ലക്ഷണങ്ങള് കൃത്യമായി തിരിച്ചറിഞ്ഞ് ചികിത്സ നല്കിയാല് ഹൃദയാഘാതത്തിലേക്ക് എത്താതെ ജീവന് രക്ഷിക്കാന് കഴിയും. നെഞ്ച് വേദന മാത്രമാണ് ഹൃദയാഘാതത്തിന്റെ ലക്ഷണമെന്ന് കരുതരുതെന്നാണ് ഹാര്വാര്ഡ് ഹെല്ത്തിലെ സര്വേ നടതതിയ പഠനത്തില് വ്യക്തമാക്കുന്നു.
ഇന്ത്യയില് പുരുഷന്മാരേക്കാള് കൂടുതല് സ്ത്രീകളിലാണ് ഹൃദ്രോഗങ്ങള് കണ്ടുവരുന്നത്. പുരുഷന്മാരില് 13.5% (ലക്ഷം പേരില് 13,504) എന്ന നിരക്കിനെ അപേക്ഷിച്ച് സ്ത്രീകളില് ഇത് 17% (ലക്ഷം പേരില് 17,006) ആണെന്ന് NSO Health Survey 2025 നടത്തിയ പഠനത്തില് പറയുന്നു. സ്ത്രീകളില് മുൻകൂട്ടി കാണിക്കുന്ന ചില ലക്ഷണങ്ങളെ കുറിച്ചറിയാം.
തലകറക്കം അല്ലെങ്കില് തണുത്ത വിയർപ്പ്, ഉത്കണ്ഠ അനുഭവപ്പെടുകയോ എന്തോ വലിയ ദുരന്തം സംഭവിക്കാൻ പോകുന്നുവെന്ന് തോന്നുകയോ ചെയ്യുന്നത് സ്ത്രീകളില് പ്രകടമാകുന്ന ചില പ്രധാനപ്പെട്ട ലക്ഷണങ്ങളാണ്.
പുരുഷന്മാരിലും സ്ത്രീകളിലും ഹൃദയാഘാത ലക്ഷണങ്ങള് വ്യത്യസ്തമായി കാണപ്പെടുന്നതിന് പല കാരണങ്ങളുണ്ട്. ശാരീരിക ഘടന ഇതില് ഒരു പ്രധാന പങ്ക് വഹിക്കുന്നു. സ്ത്രീകളില് കൊറോണറി ധമനികള്ക്ക് വലിപ്പം കുറവായതിനാല് അവയിലുണ്ടാകുന്ന തടസ്സങ്ങള് തിരിച്ചറിയുന്നത് കൂടുതല് പ്രയാസകരമായേക്കാം.
ഹോർമോണുകളുടെ സ്വാധീനമാണ് മറ്റൊരു ഘടകം. ഈസ്ട്രജൻ ഹൃദയാരോഗ്യത്തിന് സംരക്ഷണം നല്കുന്നുണ്ടെങ്കിലും ആർത്തവവിരാമത്തിന് ശേഷം ഇതിന്റെ അളവ് കുറയുന്നത് ഹൃദ്രോഗസാധ്യത വർദ്ധിപ്പിക്കുന്നു.
ജീവിതശൈലിയിലെ മാറ്റങ്ങള് ഹൃദ്രോഗവും ഹൃദയാഘാതവും തടയാൻ സഹായിക്കുന്നു. ഹൃദ്രോഗം തടയുന്നതിനായി സ്ത്രീകള്ക്ക് പല കാര്യങ്ങളും ചെയ്യാവുന്നതാണ്. ഒന്നാമതായി, പഴങ്ങള്, പച്ചക്കറികള്, ധാന്യങ്ങള്, കൊഴുപ്പ് കുറഞ്ഞ പ്രോട്ടീൻ അടങ്ങിയ ഭക്ഷണങ്ങള് എന്നിവ ഉള്പ്പെടുന്ന, ഹൃദയാരോഗ്യത്തിന് ഗുണകരമായ ഭക്ഷണക്രമം പിന്തുടരുക. കൂടാതെ, ആഴ്ചയില് കുറഞ്ഞത് 30 മിനിറ്റെങ്കിലും വ്യായാമം ചെയ്യണം.
യോഗ, ധ്യാനം, ആഴത്തിലുള്ള ശ്വസനരീതികള് തുടങ്ങിയവയിലൂടെ മാനസിക സമ്മർദ്ദം നിയന്ത്രിക്കണം. പുകവലിയും മദ്യപാനവും ഒഴിവാക്കണം. രക്തസമ്മർദ്ദം, കൊളസ്ട്രോള്, ഗ്ലൂക്കോസ് എന്നിവയുടെ അളവ് കൃത്യമായ ഇടവേളകളില് പരിശോധിക്കുകയും വേണം.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.