മൂന്നാർ: തമിഴ്നാട്ടിലെ തേനിയിൽനിന്ന് മൂന്നാറിലേക്ക് പുതിയ ലഹരിമരുന്ന് കടത്ത് സംഘം സജീവം. സംസ്ഥാനത്ത് ആദ്യമായി ‘വൈക്കോൽ കറുപ്പ്’ (Poppy Straw/Opium derivative variant) എന്ന മാരക മയക്കുമരുന്നുമായി ഇടമലക്കുടി സ്വദേശി എക്സൈസ് സംഘത്തിന്റെ പിടിയിലായി.
മൂന്നാർ എക്സൈസ് സർക്കിൾ ഇൻസ്പെക്ടറും സംഘവും നടത്തിയ പരിശോധനയിലാണ് തേനി വഴി കടത്താൻ ശ്രമിച്ച പുതിയ ഇനം ലഹരിമരുന്ന് പിടികൂടിയത്. കറുപ്പ് വർഗ്ഗത്തിൽപ്പെട്ട ഈ മയക്കുമരുന്ന് കേരളത്തിൽ ആദ്യമായാണ് പിടിച്ചെടുക്കുന്നത്. അന്തർസംസ്ഥാന പാതകൾ വഴി ഇടുക്കിയിലേക്ക് വൻതോതിൽ ലഹരി വസ്തുക്കൾ ഒഴുകുന്നുണ്ടെന്ന വിവരത്തിന്റെ അടിസ്ഥാനത്തിലാണ് എക്സൈസ് നിരീക്ഷണം ശക്തമാക്കിയത്.
പിടിയിലായ പ്രതിയെക്കുറിച്ചും ലഹരിമരുന്നിന്റെ ഉറവിടത്തെക്കുറിച്ചും എക്സൈസ് സംഘം വിശദമായ അന്വേഷണം ആരംഭിച്ചിട്ടുണ്ട്. പ്രതിയുടെ സാമ്പത്തിക ഇടപാടുകളും മറ്റ് കണ്ണികളെക്കുറിച്ചും പരിശോധിച്ചുവരികയാണെന്ന് ഉദ്യോഗസ്ഥർ വ്യക്തമാക്കി. സംസ്ഥാനത്തേക്ക് പുതിയ വഴിയിലൂടെ ലഹരി എത്തുയത് ഗൗരവത്തോടെയാണ് അന്വേഷണ സംഘം കാണുന്നത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.