ന്യൂയോർക്ക്: നൂറ്റാണ്ടുകളായി ലോകം ഉപയോഗിച്ചുവരുന്ന പരമ്പരാഗത മെർക്കേറ്റർ (Mercator Projection) ഭൂപടത്തിന് പകരമായി പുതിയ ലോകഭൂപടത്തിന് അംഗീകാരം നൽകി ഐക്യരാഷ്ട്രസഭ. ആഫ്രിക്കൻ രാജ്യങ്ങളുടെ കൂട്ടായ്മയും ടോഗോയും ചേർന്ന് അവതരിപ്പിച്ച 'കറക്റ്റ് ദി മാപ്പ്' (Correct the Map) പ്രമേയം വൻ ഭൂരിപക്ഷത്തോടെയാണ് യു.എൻ. ജനറൽ അസംബ്ലി പാസാക്കിയത്. 164 രാജ്യങ്ങൾ പ്രമേയത്തെ അനുകൂലിച്ച് വോട്ട് ചെയ്തപ്പോൾ അമേരിക്ക എതിർത്തു. ആറ് രാജ്യങ്ങൾ വോട്ടെടുപ്പിൽ നിന്ന് വിട്ടുനിന്നു.
പുതിയ 'ഈക്വൽ എർത്ത്' (Equal Earth) പ്രൊജക്ഷൻ ഭൂപടപ്രകാരം ആഫ്രിക്ക, ലാറ്റിൻ അമേരിക്ക, ദക്ഷിണേഷ്യ, ഓഷ്യാനിയ എന്നീ പ്രദേശങ്ങളുടെ യഥാർത്ഥ വിസ്തൃതി വ്യക്തമാക്കപ്പെടുന്നു. 1569-ൽ ഗെരാർഡസ് മെർക്കേറ്റർ തയാറാക്കിയ പഴയ ഭൂപടത്തിൽ ഉത്തരേന്ത്യൻ രാജ്യങ്ങളും യൂറോപ്പും വടക്കേ അമേരിക്കയും യഥാർത്ഥത്തിലുള്ളതിനേക്കാൾ വളരെ വലുതായി കാണപ്പെട്ടിരുന്നു. ഇതിൽ ഗ്രീൻലാൻഡിന്റെ അത്രയും മാത്രം വലിപ്പത്തിലാണ് ആഫ്രിക്കയെ ചിത്രീകരിച്ചിരുന്നത്. എന്നാൽ യഥാർത്ഥത്തിൽ ഗ്രീൻലാൻഡിനേക്കാൾ 14 മടങ്ങ് വലുതാണ് ആഫ്രിക്കൻ ഭൂഖണ്ഡം.
പുതിയ ഭൂപടം വഴി ഭൂഖണ്ഡങ്ങളുടെ യഥാർത്ഥ അനുപാതവും വലിപ്പവും ജനങ്ങളിലേക്ക് എത്തുമെന്നും വിദ്യാഭ്യാസ മേഖലയിലും മാധ്യമങ്ങളിലും ഇത് മാറ്റങ്ങൾ കൊണ്ടുവരുമെന്നും ആഫ്രിക്കൻ യൂണിയൻ വ്യക്തമാക്കി. പ്രമേയം നിയമപരമായി കർശനമല്ലെങ്കിലും സ്കൂളുകളിലും ഔദ്യോഗിക ആവശ്യങ്ങളിലും പുതിയ ഭൂപടം വ്യാപകമായി ഉപയോഗിക്കാൻ യു.എൻ. പ്രോത്സാഹിപ്പിക്കുന്നുണ്ട്. ഫ്രാൻസ് ഉൾപ്പെടെയുള്ള പ്രമുഖ രാജ്യങ്ങൾ പുതിയ ഭൂപടത്തെ സ്വാഗതം ചെയ്ത് രംഗത്തെത്തിയിട്ടുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.