കൊച്ചി: സെപ്റ്റംബർ 2, 2026: രാജ്യത്തെ ഫാസ്റ്റ് മൂവിങ് കൺസ്യൂമർ ഗുഡ്സ് (FMCG) വിപണിയിൽ പുതിയ ചുവടുവെപ്പുമായി റിലയൻസ് ഇൻഡസ്ട്രീസിന്റെ കീഴിലുള്ള റിലയൻസ് കൺസ്യൂമർ പ്രൊഡക്ട്സ് ലിമിറ്റഡ് (RCPL) ഐസ്ക്രീം വിപണിയിലേക്ക് പ്രവേശിച്ചു. 'ബോംബെ ക്രീമറി' (Bombay Creamery) എന്നാണ് പുതിയ ഐസ്ക്രീം ബ്രാൻഡിന് പേരിട്ടിരിക്കുന്നത്. കേവലം 10 രൂപ മുതലുള്ള നിരക്കിൽ ഉൽപ്പന്നങ്ങൾ വിപണിയിലെത്തിക്കാനാണ് കമ്പനിയുടെ തീരുമാനം.
യഥാർത്ഥ ഡയറി ക്രീം ഉപയോഗിച്ചാണ് ഉൽപ്പന്നങ്ങൾ നിർമ്മിക്കുന്നതെന്ന് കമ്പനി വ്യക്തമാക്കി. മിതമായ നിരക്കിൽ ഉയർന്ന ഗുണനിലവാരം ഉറപ്പുനൽകുക എന്ന ലക്ഷ്യത്തോടെയാണ് ബോംബെ ക്രീമറി വിപണിയിൽ അവതരിപ്പിച്ചിരിക്കുന്നത്. കപ്പുകൾ, കോണുകൾ, ടബുകൾ, ബാറുകൾ, സ്റ്റിക് ഐസ്ക്രീമുകൾ തുടങ്ങിയ വിവിധ വെറൈറ്റികൾ ഉപഭോക്താക്കൾക്കായി ലഭ്യമാകും.
തുടക്കത്തിൽ പടിഞ്ഞാറൻ ഇന്ത്യയിലാണ് ഈ ബ്രാൻഡ് പുറത്തിറക്കുന്നത്. തുടർന്ന് രാജ്യത്തുടനീളമുള്ള വിപണികളിലേക്ക് വ്യാപകമായി വ്യാപിപ്പിക്കാനാണ് റിലയൻസിന്റെ പദ്ധതി. റിലയൻസിന്റെ വിപുലമായ വിതരണ ശൃംഖലയും റീട്ടെയിൽ സ്റ്റോറുകളും ഉപയോഗപ്പെടുത്തി ഐസ്ക്രീം വിപണിയിൽ ശക്തമായ മത്സരം കാഴ്ചവെക്കാനാണ് കമ്പനി ലക്ഷ്യമിടുന്നത്. മുൻപ് കാമ്പ കോള ഉൾപ്പെടെയുള്ള ഉൽപ്പന്നങ്ങൾ കുറഞ്ഞ വിലയിൽ അവതരിപ്പിച്ച് വിപണിയിൽ വലിയ ചലനങ്ങൾ സൃഷ്ടിക്കാൻ റിലയൻസിന് സാധിച്ചിരുന്നു. അതേ തന്ത്രം തന്നെയാണ് ഐസ്ക്രീം വിപണിയിലും കമ്പനി പരീക്ഷിക്കുന്നത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.