മസ്കറ്റ്: ഒമാൻ തൊഴിൽ മന്ത്രാലയത്തിന്റെ ഔദ്യോഗിക പേരും ലോഗോയും മുൻകൂർ അനുമതിയില്ലാതെ പരസ്യങ്ങളിലും പ്രചാരണങ്ങളിലും ഉപയോഗിക്കുന്നതിന് കർശന വിലക്ക് ഏർപ്പെടുത്തി. മന്ത്രാലയത്തിന്റെ അനുവാദമില്ലാതെ ഇവ യാതൊരുവിധ മാധ്യമങ്ങളിലൂടെയും പ്രസിദ്ധീകരിക്കുകയോ പ്രചരിപ്പിക്കുകയോ ചെയ്യരുതെന്ന് അധികൃതർ പുതിയ ഉത്തരവിലൂടെ വ്യക്തമാക്കി.
സ്വകാര്യ പരിശീലന സ്ഥാപനങ്ങൾ, റിക്രൂട്ട്മെന്റ് ഏജൻസികൾ, മറ്റ് വിവിധ കമ്പനികൾ എന്നിവയാണ് പ്രധാനമായും ഈ നിർദേശം ലംഘിക്കുന്നതായി കണ്ടെത്തിയിട്ടുള്ളത്. മന്ത്രാലയത്തിന്റെ ലോഗോയോ ഔദ്യോഗിക നാമമോ ഉപയോഗിച്ച് പൊതുജനങ്ങളെ തെറ്റിദ്ധരിപ്പിക്കുന്ന തരത്തിലുള്ള പരസ്യങ്ങളും ഓഫറുകളും ശ്രദ്ധയിൽപ്പെട്ടതിനെ തുടർന്നാണ് ഈ നടപടി.
നിയമലംഘനം നടത്തുന്നവർക്കെതിരെ കർശന നിയമനടടികൾ സ്വീകരിക്കുമെന്ന് തൊഴിൽ മന്ത്രാലയം മുന്നറിയിപ്പ് നൽകിയിട്ടുണ്ട്. ഔദ്യോഗിക സേവനങ്ങൾ നൽകുന്ന സ്ഥാപനങ്ങൾ മന്ത്രാലയത്തിന്റെ മാനദണ്ഡങ്ങൾ കൃത്യമായി പാലിക്കുന്നുണ്ടെന്ന് ഉറപ്പുവരുത്താൻ പരിശോധനകളും ശക്തമാക്കിയിട്ടുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.