ലണ്ടൻ: യുകെ മലയാളികളെ കണ്ണീരിലാഴ്ത്തി വീണ്ടുമൊരു അപ്രതീക്ഷിത മരണം. ഹീത്രൂവിലെ ബെറിന് വര്ഗീസിനെ തേടി അപ്രതീക്ഷിതമായി മരണം എത്തിയപ്പോള് നടുങ്ങി കുടുംബം പൊട്ടിക്കരഞ്ഞ് ഭാര്യയും കുഞ്ഞുമകളും.
പത്തനംതിട്ട ചിറ്റാർ സ്വദേശിയും ഹീത്രൂവിലെ വെറ്ററിനറി ഡോക്ടറുമായ ബെറിൻ വർഗീസാണ് അന്തരിച്ചത്. രാവിലെ വിളിച്ചുണർത്താൻ ചെന്ന ഭാര്യയാണ് ബെറിനെ കിടപ്പുമുറിയിൽ ചലനമറ്റ നിലയിൽ കണ്ടെത്തിയത്. ഹൃദയാഘാതമാണ് മരണകാരണമെന്ന് സ്ഥിരീകരിച്ചിട്ടുണ്ട്.
കഴിഞ്ഞ ഒരാഴ്ചയായി യുകെ മലയാളി സമൂഹത്തെ തേടി തുടർച്ചയായി മരണവാർത്തകൾ എത്തുന്നതിനിടയിലാണ് പ്രവാസ ലോകത്തെ വീണ്ടും നടുക്കിക്കൊണ്ട് ഈ യുവഡോക്ടറുടെ വേർപാട്.
നാട്ടിൽ വെറ്ററിനറി ഡോക്ടറായിരുന്ന ബെറിൻ, അമേരിക്കയിൽ ഉപരിപഠനം പൂർത്തിയാക്കിയ ശേഷമാണ് യുകെയിലെ ഹീത്രൂവിൽ സ്ഥിരതാമസമാക്കിയത്. ഭാര്യയും അഞ്ചു വയസുകാരിയായ ഏക മകളും മാതാപിതാക്കളും അടങ്ങുന്നതായിരുന്നു ബെറിന്റെ കുടുംബം.
ബെറിന്റെ സഹോദരൻ നോർവിച്ചിലും സഹോദരി അയർലൻഡിലുമാണ് താമസം. കഴിഞ്ഞ ദിവസമാണ് മാതാപിതാക്കൾ അയർലൻഡിലുള്ള മകളുടെ അടുത്തേക്ക് പോയത്.
ബെറിന്റെ വിയോഗവാർത്തയറിഞ്ഞ് ഇവർ ഹീത്രൂവിൽ തിരിച്ചെത്തിയിട്ടുണ്ട്. പ്രിയപ്പെട്ടവന്റെ പെട്ടെന്നുള്ള വേർപാടിൽ താങ്ങാനാവാതെ കഴിയുന്ന കുടുംബത്തെ ആശ്വസിപ്പിക്കാൻ യുകെയിലെ മലയാളി കൂട്ടായ്മകളും സുഹൃത്തുക്കളും രംഗത്തുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.