പാരീസ്: വടക്കന് പാരീസിലെ പോര്ട്ട് ഡി ക്ലിഷിയില് രാവിലെ ജനങ്ങള്ക്കിടയിലേക്ക് ഇരച്ചുകയറി മൂന്ന് സ്ത്രീകളെ കുത്തിപ്പരിക്കേല്പ്പിച്ച 31-കാരനെ പോലീസ് അറസ്റ്റ് ചെയ്തു.
സാഹസികമായി കീഴടക്കി വഴിപോക്കര്
രണ്ട് മൂര്ച്ചയേറിയ കത്തികളുമായി വഴിയാത്രക്കാര്ക്ക് നേരെ പാഞ്ഞടുത്ത അക്രമിയെ കണ്ടുനിന്നവരും കടയുടമകളും ചേര്ന്ന് സാഹസികമായാണ് നേരിട്ടത്. സ്ത്രീയെ കുത്തുന്നത് കണ്ട ഒരു വ്യാപാരി ചൂല് കൊണ്ടും, വഴിപോക്കനായ മറ്റൊരു യുവാവ് ട്രാവല് ബാഗ് കൊണ്ടും അക്രമിയെ അടിച്ചുവീഴ്ത്തുകയായിരുന്നു. സമീപത്തെ ഹോട്ടല് ജീവനക്കാരന് കസേര ഉപയോഗിച്ച് ഇയാളെ നിലത്തു തളച്ചിട്ടു. തുടര്ന്ന് ഡ്യൂട്ടിയിലില്ലാതിരുന്ന ഒരു പോലീസ് ഉദ്യോഗസ്ഥന് ഇയാളെ പൂര്ണ്ണമായി കീഴ്പ്പെടുത്തി പോലീസിന് കൈമാറി.
അന്വേഷണം പുരോഗമിക്കുന്നു
മാനസികാസ്വസ്ഥതയുള്ളയാളാണ് പ്രതിയെന്നാണ് പ്രാദേശിക മാധ്യമങ്ങള് റിപ്പോര്ട്ട് ചെയ്യുന്നത്. അന്വേഷണവുമായി അടുത്ത ബന്ധമുള്ള ഒരു സ്രോതസ്സ് 'ലെ പാരീസിയനോട്' സംസാരിക്കവേ ഇങ്ങനെ പറഞ്ഞു: 'സ്ത്രീകളെ കൊല്ലാന് അള്ളാഹു എന്നെ അയച്ചതാണ് എന്നാണ് അയാള് പറഞ്ഞത്.'അയാള് 'പരസ്പരബന്ധമില്ലാത്ത പ്രസ്താവനകള്' നടത്തിയതായി നൂനെസ് കൂട്ടിച്ചേര്ത്തു, എന്നാല് അക്രമത്തിന്റെ പ്രേരണയെക്കുറിച്ച് ധൃതിപിടിച്ച് നിഗമനങ്ങളിലെത്തരുതെന്ന് അദ്ദേഹം മുന്നറിയിപ്പ് നല്കി.
സംഭവം ഭീകരാക്രമണമാണെന്ന് നിലവില് സ്ഥിരീകരിച്ചിട്ടില്ലെന്നും അന്വേഷണം നടക്കുകയാണെന്നും പാരീസ് പോലീസ് വ്യക്തമാക്കി. സമയോചിതമായി ഇടപെട്ട് വലിയൊരു ദുരന്തം ഒഴിവാക്കിയ നാട്ടുകാരെയും പോലീസ് ഉദ്യോഗസ്ഥനെയും പാരീസ് മേയര് അഭിനന്ദിച്ചു
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.