തിരുവനന്തപുരം: സംസ്ഥാനത്ത് വീണ്ടും വൈദ്യുതി പ്രതിസന്ധി രൂക്ഷമാകുന്നു. ഡാമുകളിലെ ജലനിരപ്പ് താണതും ഉപഭോഗം സർവകാല റെക്കോർഡിലേക്ക് ഉയർന്നതുമാണ് സംസ്ഥാനത്തെ കടുത്ത പ്രതിസന്ധിയിലാക്കിയത്.
ഇതിന്റെ ഭാഗമായി കഴിഞ്ഞ ദിവസം സംസ്ഥാനത്തിന്റെ വിവിധ ഭാഗങ്ങളിൽ 15 മിനിറ്റ് മുതൽ 30 മിനിറ്റ് വരെ കെഎസ്ഇബി അപ്രതീക്ഷിത വൈദ്യുതി നിയന്ത്രണം ഏർപ്പെടുത്തി. വരും ദിവസങ്ങളിൽ മഴ ലഭിച്ചില്ലെങ്കിൽ നിയന്ത്രണങ്ങൾ തുടരേണ്ടി വരുമെന്നാണ് വൈദ്യുതി ബോർഡിന്റെ നിലപാട്.
പ്രതിസന്ധി മറികടക്കാൻ പുറത്തുനിന്ന് കൂടുതൽ വൈദ്യുതി എത്തിക്കാനുള്ള ശ്രമങ്ങൾ പുരോഗമിക്കുകയാണെന്ന് വൈദ്യുതി മന്ത്രി സണ്ണി ജോസഫ് അറിയിച്ചു. ഒരിടവേളയ്ക്ക് ശേഷമാണ് കേരളത്തിൽ വീണ്ടും പവർകട്ടിന് സമാനമായ നിയന്ത്രണങ്ങൾ തിരിച്ചെത്തുന്നത്. താപനില വ്യതിയാനത്തിന് കാരണമാകുന്ന എൽനിനോ പ്രതിഭാസം മൂലം കാലവർഷത്തിൽ ഉണ്ടായ വലിയ കുറവും അന്തരീക്ഷ താപനില താഴാത്തതുമാണ് സംസ്ഥാനത്തിന് തിരിച്ചടിയായത്.
രാജ്യത്താകമാനം വൈദ്യുതിക്ക് വൻ ആവശ്യകതയുള്ളതിനാൽ പവർ എക്സ്ചേഞ്ചുകളിൽ നിന്ന് ഉയർന്ന വില നൽകിയാൽ പോലും വൈദ്യുതി വാങ്ങാൻ കിട്ടാത്ത സാഹചര്യമാണുള്ളത്.
കെഎസ്ഇബിയുടെ പ്രധാന ഡാമുകളിലെല്ലാം കൂടി നിലവിൽ ആകെ സംഭരണ ശേഷിയുടെ 28 ശതമാനം വെള്ളം മാത്രമാണ് അവശേഷിക്കുന്നത്.
ഡാമുകളിൽ നിന്നുള്ള കഴിഞ്ഞ ദിവസത്തെ ആഭ്യന്തര വൈദ്യുതി ഉത്പാദനം വെറും 24 ദശലക്ഷം യൂണിറ്റായി ചുരുങ്ങിയപ്പോൾ, സംസ്ഥാനത്തെ പ്രതിദിന ഉപഭോഗം 86.46 ദശലക്ഷം യൂണിറ്റായി കുതിച്ചുയരുകയായിരുന്നു. നിലവിൽ കേന്ദ്ര വിഹിതവും വിപണിയിൽ നിന്ന് ഉയർന്ന നിരക്കിൽ വാങ്ങുന്ന വൈദ്യുതിയും ഉപയോഗിച്ചാണ് ബോർഡ് പവർകട്ട് പൂർണ്ണമായും ഒഴിവാക്കാൻ ശ്രമിക്കുന്നത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.