മാവേലി സ്റ്റോറിൽ പാമ്പ്; താൽക്കാലിക ജീവനക്കാരിക്ക് കാലിൽ കടിയേറ്റു

കോഴിക്കോട്: അരൂരിൽ പ്രവർത്തിക്കുന്ന മാവേലി സ്റ്റോറിലെ താൽക്കാലിക ജീവനക്കാരിക്ക് പാമ്പ് കടിയേറ്റു. 

വി.ടി. നിഷ എന്ന ജീവനക്കാരിക്കാണ് കാലിൽ കടിയേറ്റത്. ജൂലൈ 10- ന് വൈകുന്നേരമാണ് സംഭവം നടന്നത്.

ഉടനടി നിഷയെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഇവർ നിലവിൽ നിരീക്ഷണത്തിലാണെന്നാണ് ലഭിക്കുന്ന വിവരം. 

സംഭവത്തെത്തുടർന്ന് കുറ്റ്യാടി വനം വകുപ്പ് അധികൃതരെ വിവരം അറിയിക്കുകയും, ആർ.ആർ.ടി സംഘം സ്ഥലത്തെത്തി മാവേലി സ്റ്റോറിനുള്ളിൽ പാമ്പിനായി തിരച്ചിൽ നടത്തി.