പാലാ: രാമപുരം ഗ്രാമപഞ്ചായത്ത് കുടുംബശ്രീ സി.ഡി.എസിന്റെ നേതൃത്വത്തിൽ ഓണവിപണി ലക്ഷ്യമിട്ടുള്ള കൃഷിക്ക് തുടക്കമായി.
പാലവേലി വാർഡിലെ ജെ.എൽ.ജി (JLG) ഗ്രൂപ്പ് അംഗങ്ങൾ തയ്യാറാക്കിയ 'നിറപൊലിമ', 'ഓണക്കനി' പദ്ധതികളുടെ നടീൽ ഉദ്ഘാടനം പാലവേലി വാർഡ് മെമ്പർ ശ്രീമതി സാലി ജയ്മോൻ നിർവ്വഹിച്ചു.വരുന്ന ഓണക്കാലത്ത് വിഷരഹിത പച്ചക്കറികളും പൂക്കളും വിപണിയിൽ എത്തിക്കുക എന്ന ലക്ഷ്യത്തോടെയാണ് കുടുംബശ്രീ അംഗങ്ങൾ ഈ കൃഷി ആരംഭിച്ചിരിക്കുന്നത്.
ചടങ്ങിൽ കൊണ്ടാട് വാർഡ് മെമ്പർ ശ്രീ ടൈറ്റസ് മാത്യു, ചേറ്റുകുളം വാർഡ് മെമ്പർ ശ്രീമതി സിന്ധുമോൾ എന്നിവർ പങ്കെടുത്തു സംസാരിച്ചു. കൃഷി ഇറക്കിയ കുടുംബശ്രീ അംഗങ്ങൾക്ക് ടൈറ്റസ് മാത്യു ആശംസകൾ നേർന്നു.
കുടുംബശ്രീ സി.ഡി.എസ് ചെയർപേഴ്സൺ, സി.ഡി.എസ് അംഗങ്ങൾ, അഗ്രി സി.ആർ.പി, ജെ.എൽ.ജി ഗ്രൂപ്പ് പ്രതിനിധികൾ തുടങ്ങിയവർ ചടങ്ങിൽ സംബന്ധിച്ചു.






.jpg)








ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.