രാജ്യാന്തര ശ്രദ്ധയാകർഷിച്ച് കൊച്ചി മെട്രോ. പൊതുഗതാഗത മേഖലയിലെ ഏറ്റവും മികച്ച അന്താരാഷ്ട്ര അംഗീകാരങ്ങളിലൊന്നായ ‘യുഐടിപി ഇംപാക്ട് അവാർഡ് 2026’ കൊച്ചി മെട്രോ കരസ്ഥമാക്കി. ബെൽജിയത്തിലെ ബ്രസ്സൽസിൽ ജൂൺ 23-ന് നടന്ന ചടങ്ങിലാണ് കൊച്ചി മെട്രോ ഈ നേട്ടം കൈവരിച്ചത്.
മെട്രോ റെയിൽ, കൊച്ചി വാട്ടർ മെട്രോ, ഇലക്ട്രിക് ഫീഡർ ബസുകൾ, നടപ്പാതകൾ, സൈക്കിൾ ഷെയറിംഗ് സംവിധാനം, ഡിജിറ്റൽ മൊബിലിറ്റി സേവനങ്ങൾ എന്നിവയെ ഒരൊറ്റ ശൃംഖലയിലേക്ക് ഏകോപിപ്പിച്ചുകൊണ്ടുള്ള നൂതനമായ ‘മൾട്ടിമോഡൽ ഇന്റഗ്രേഷൻ’ പദ്ധതിക്കാണ് ഈ അംഗീകാരം ലഭിച്ചത്.
ഈ നേട്ടം കൊച്ചിയുടെ സംയോജിത ഗതാഗത ശൃംഖലയ്ക്കുള്ള വലിയൊരു അന്താരാഷ്ട്ര അംഗീകാരമാണെന്ന് കെഎംആർഎൽ മാനേജിംഗ് ഡയറക്ടർ ലോക്നാഥ് ബെഹ്റ പറഞ്ഞു.
കെഎംആർഎല്ലിലെ ജീവനക്കാരുടെയും പങ്കാളികളുടെയും ഒപ്പം ഈ സംവിധാനത്തെ ഹൃദയപൂർവ്വം സ്വീകരിച്ച കേരള ജനതയുടെയും കൂട്ടായ വിജയമാണിതെന്ന് അദ്ദേഹം കൂട്ടിച്ചേർത്തു. ലോകമെമ്പാടുമുള്ള നൂതനമായ പൊതുഗതാഗത മാതൃകകളെ വിലയിരുത്തിയാണ് യുഐടിപി ഈ പുരസ്കാരം നിർണ്ണയിക്കുന്നത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.