റഷ്യ: ലോകത്തിലെ ഏറ്റവും വലിയ ഉള്നാടൻ കടലായ കാസ്പിയൻ കടല് അപ്രത്യക്ഷമാകുന്നു. 1990-കള് മുതല് ഈ കടല് വറ്റിത്തുടങ്ങിയെന്ന് പുതിയ പഠനങ്ങള് വ്യക്തമാക്കുന്നു.
എന്തുകൊണ്ട് കാസ്പിയൻ കടല് വറ്റുന്നു?
നദികളിലെ ജലപ്രവാഹം കുറയുന്നു: കാസ്പിയൻ കടലിലേക്ക് വെള്ളമെത്തിക്കുന്ന പ്രധാനപ്പെട്ട അഞ്ച് നദികളിലും വലിയ രീതിയില് ജലപ്രവാഹം കുറഞ്ഞിട്ടുണ്ട്. ഇതില് ഏറ്റവും പ്രധാനപ്പെട്ടത് റഷ്യയുടെ വോള്ഗ നദിയാണ്. കഴിഞ്ഞ മൂന്ന് പതിറ്റാണ്ടുകളായി ഈ നദികളിലൂടെയുള്ള ജലത്തിന്റെ വരവ് വലിയ തോതില് കുറഞ്ഞു.
ആവീകരണവും മഴയും:
സമുദ്രോപരിതലത്തില് നിന്നുള്ള ബാഷ്പീകരണം വർദ്ധിച്ചപ്പോള്, മഴയുടെ അളവില് മാറ്റമൊന്നുമില്ലാത്തതും കടലിന്റെ നിലനില്പ്പിനെ ബാധിച്ചു. മൊത്തം പ്രതിസന്ധിയുടെ 40 ശതമാനവും ഇതുമൂലമാണ് സംഭവിക്കുന്നത്.
ഭൗമരാഷ്ട്രീയ ഭീഷണികള്:
കാസ്പിയൻ കടല് എണ്ണ-വാതക വ്യവസായത്തിന്റെ പ്രധാന കേന്ദ്രമാണ്. പ്രതിവർഷം ഏകദേശം പത്തുലക്ഷം ടണ് എണ്ണയാണ് വെള്ളത്തിലേക്ക് ചോരുന്നത്. ഇത് ജലത്തിന്റെ ഗുണനിലവാരത്തെയും പരിസ്ഥിതിയെയും വല്ലാതെ തകർക്കുന്നു.
ജീവജാലങ്ങളുടെ വംശനാശം
850-ലധികം അപൂർവ്വ ജീവജാലങ്ങള് വസിക്കുന്ന ഇടമാണ് കാസ്പിയൻ കടല്. ജലനിരപ്പ് താഴുന്നത് ഇവിടുത്തെ ആവാസവ്യവസ്ഥയെ തകിടം മറിച്ചു. വംശനാശഭീഷണി നേരിടുന്ന കാസ്പിയൻ സീല്, ലോകത്തിലെ 90 ശതമാനം കറുത്ത കാവിയാർ (Black Caviar) നല്കുന്ന സ്റ്റർജൻ മത്സ്യങ്ങള് എന്നിവയുടെ നിലനില്പ്പ് ഇന്ന് ചോദ്യചിഹ്നമായിരിക്കുകയാണ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.