ന്യൂയോർക്ക്: അമേരിക്കയിലെ ന്യൂയോർക്കിലുള്ള ജോണ് എഫ്. കെന്നഡി അന്താരാഷ്ട്ര വിമാനത്താവളത്തില് ലാൻഡിംഗിനിടെ വിമാനത്തില് ഡ്രോണ് ഇടിച്ചു.
വിമാനം സുരക്ഷിതമായി ലാൻഡ് ചെയ്തതിനാല് വൻ ദുരന്തം ഒഴിവായി. ആകാശത്ത് ഏകദേശം 3,000 അടി ഉയരത്തില് വെച്ചാണ് വിമാനത്തിന്റെ കോക്ക്പിറ്റിന് തൊട്ടുമുകളിലായി ഡ്രോണ് വന്നിടിച്ചതെന്ന് പൈലറ്റ് എയർ ട്രാഫിക് കണ്ട്രോളിനെ അറിയിച്ചു.
വിമാനം റണ്വേ ലക്ഷ്യമാക്കി താഴ്ന്നുപറക്കുന്നതിനിടെയാണ് കോക്ക്പിറ്റിന് മുകളില് ഡ്രോണ് വന്നിടിച്ചതായി പൈലറ്റ് സന്ദേശം നല്കിയത്. അപകടം നടന്ന് മിനിറ്റുകള്ക്കകം വിമാനം ജെ.എഫ്.കെ വിമാനത്താവളത്തില് സുരക്ഷിതമായി ലാൻഡ് ചെയ്തു.
യാത്രക്കാരെ സുരക്ഷിതമായി പുറത്തിറക്കുകയും ചെയ്തു. ലാൻഡിംഗിന് ശേഷം നടത്തിയ വിശദമായ പരിശോധനയില് വിമാനത്തിന് യാതൊരു തകരാറും സംഭവിച്ചിട്ടില്ലെന്ന് എയർലൈൻ അധികൃതർ വ്യക്തമാക്കി.
കുറച്ചു ദിവസങ്ങള്ക്ക് മുൻപ് ന്യൂയോർക്കിലെ തന്നെ നെവാർക്ക് ലിബർട്ടി അന്താരാഷ്ട്ര വിമാനത്താവളത്തിന് സമീപം യുണൈറ്റഡ് എയർലൈൻസ് വിമാനവും ഡ്രോണുമായി കൂട്ടിയിടിച്ചിരുന്നു. അന്നും തലനാരിഴയ്ക്കാണ് അപകടം ഒഴിവായത്. വിമാനത്താവളങ്ങള്ക്ക് സമീപമുള്ള അനധികൃത ഡ്രോണ് പറത്തലുകള് വലിയ സുരക്ഷാ ഭീഷണിയാണ് ഉയർത്തുന്നത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.