ലോസ് ആഞ്ചലസ്: ഗാസയില് താമസിക്കുന്ന പലസ്തീനിയെ വിവാഹം കഴിച്ച് അമേരിക്കയിലെ കാലിഫോർണിയ സ്വദേശിയായ അധ്യാപിക.
യുദ്ധവിരുദ്ധ സംഘടനയായ കോഡ്പിങ്ക് സംഘടിപ്പിച്ച സയണിസ്റ്റ് വിരുദ്ധ വെബിനാറില് സംസാരിക്കവെ ആണ് ലോറ പിഞ്ഞോ, താൻ വിവാഹിതയായ കാര്യം വെളിപ്പെടുത്തിയത്. ലോറയുടെ തീരുമാനത്തെ കോഡ്പിങ്ക് ആക്ടിവിസ്റ്റ് മാർസി വിനോഗ്രാഡ് അഭിനന്ദിച്ചു. സലേം അബു അമ്രയുടെ ആക്ടിവിസമാണ് തന്നെ ആകർഷിച്ചതെന്ന് ലോറ പിഞ്ഞോ വെബിനാറില് പറഞ്ഞു.
ഇക്കഴിഞ്ഞ ഏപ്രില് അഞ്ചിന് യൂറ്റായിലെ ഓണ്ലൈൻ മാര്യാജ് സംവിധാനത്തിലൂടെ ആണ് ലോറ പിഞ്ഞോ സലേം അബു അമ്രയെ വിവാഹം കഴിച്ചത്. കൗണ്ടി മാര്യേജ് ലൈസൻസും സാധുവായ തിരിച്ചറിയല് രേഖയും രണ്ട് സാക്ഷികളും ഉണ്ടെങ്കില് യൂറ്റയില് വെര്ച്വല് വിവാഹം സാധ്യമാകുന്ന നിയമമാണ് ലോറ പിഞ്ഞോ ഉപയോഗപ്പെടുത്തിയത്. വിവാഹത്തിന് ഒരുമാസം മുമ്പ് അഞ്ചംഗ കുടുംബത്തിലെ ഏക ആശ്രയമായ അബു അമ്രയ്ക്കായി ലോറ ഓണ്ലൈനിലൂടെ ധനസമാഹരണം നടത്തിയിരുന്നു. ഫേസ്ബുക്കിലൂടെ ആണ് ഇരുവരും പരിചയപ്പെട്ടത്. പിന്നീട് പണം നല്കിയതിന് നന്ദി അറിയിക്കാനായി ലോറയെ അബു അമ്ര വിളിച്ചതോടെ ഇരുവർക്കുമിടയിലുള്ള ബന്ധം വളർന്നു.
ഇമിഗ്രേഷൻ വിദഗ്ധർ പറയുന്നത്
കുടിയേറ്റ ആനുകൂല്യങ്ങള് നേടിക്കൊടുക്കാനായി ഒരാളെ വിവാഹം ചെയ്യുന്നത് ഗുരുതര നിയമപ്രശ്നങ്ങള്ക്ക് ഇടയാക്കുമെന്നാണ് ഇമിഗ്രേഷൻ വിദഗ്ധരുടെ മുന്നറിയിപ്പ്. ലോറ പിഞ്ഞോയുടെ പരസ്യപ്രതികരണം ഫെഡറല് പരിശോധനയ്ക്ക് ഇടയാക്കാമെന്നും വിദഗ്ധർ പറഞ്ഞു.
യുഎസ് ഫെഡറല് നിയമപ്രകാരം, സ്ഥിരതാമസ രേഖയായ ഗ്രീൻ കാർഡ് നേടിക്കൊടുക്കാനായി വിവാഹം ചെയ്യുന്നത് അഞ്ച് വർഷം വരെ തടവും രണ്ടര ലക്ഷം ഡോളർ പിഴയും ലഭിക്കാവുന്ന ക്രിമിനല് കുറ്റമാണ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.