ന്യൂഡല്ഹി: 2023-ലെ തന്റെ ഇന്ത്യൻ സന്ദർശനവേളയില് ഡല്ഹിയിലെ തെരുവുകളില് തനിക്ക് ലഭിച്ച വൻ സ്വീകരണത്തെക്കുറിച്ചുള്ള ഓർമ്മകള് പങ്കുവെച്ച് ഇറ്റാലിയൻ പ്രധാനമന്ത്രി ജോർജിയ മെലോനി.
"ഞാൻ എത്തിയപ്പോള്, റോഡിന് ഇരുവശങ്ങളിലും എന്റെ ചിത്രവും സ്വാഗതം എന്നെഴുതിയ പോസ്റ്ററുകള് ഉണ്ടായിരുന്നു. ഞാൻ മടങ്ങിപ്പോകുമ്പോള്, അതേ ചിത്രത്തിനൊപ്പം 'താങ്ക് യു ഫോർ വിസിറ്റിംഗ്' എന്നായിരുന്നു പോസ്റ്ററുകളില് എഴുതിയിരുന്നത്," മെലോനി പുസ്തകത്തില് കുറിച്ചു. ഈ വിപുലമായ സ്വീകരണം കണ്ട്, തന്നോടൊപ്പമുണ്ടായിരുന്ന ഇറ്റാലിയൻ ഉപപ്രധാനമന്ത്രി തമാശരൂപേണ ഒരു കാര്യം പറഞ്ഞതായും മെലോനി ഓർക്കുന്നു.
"ഇത്രയധികം പോസ്റ്ററുകള് കാണുമ്പോള്, നിങ്ങള് ഡല്ഹിയില് മത്സരിക്കുകയാണെങ്കില് ഒരു പത്ത് ലക്ഷത്തിലധികം വോട്ടുകള്ക്ക് വിജയിക്കും," എന്ന് പറഞ്ഞതായും മെലോനിയുടെ പുസ്തകത്തില് പറയുന്നു.
നയതന്ത്ര രംഗത്ത് ഔദ്യോഗികമായ ചട്ടക്കൂടുകള്ക്ക് അപ്പുറം വ്യക്തിപരമായ ബന്ധങ്ങള് സ്ഥാപിക്കുന്നതിന്റെ പ്രാധാന്യത്തെക്കുറിച്ചും പുസ്തകത്തിലെ 'ലോകനേതാക്കള്ക്കിടയില് തലയുയർത്തി' എന്ന അധ്യായത്തില് മെലോനി വ്യക്തമാക്കുന്നുണ്ട്. ഒരു ചെറിയ തമാശയോ, വ്യക്തിപരമായ കഥയോ, അല്ലെങ്കില് പൊതുവായ താല്പ്പര്യങ്ങളോ വലിയ നയതന്ത്ര ബന്ധങ്ങള്ക്ക് വഴിതുറക്കാമെന്ന് അവർ വിശ്വസിക്കുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.