ഷാർജയിൽ കണ്ണൂർ സ്വദേശിയായ അമ്മയും കുഞ്ഞും മരിച്ച സംഭവത്തിൽ ആത്മഹത്യാ കുറ്റം ചുമത്തി കേസെടുത്ത് ഷാർജ പോലീസ്;

ഷാർജ: ഷാർജയിൽ കണ്ണൂർ സ്വദേശിയായ അമ്മയും കുഞ്ഞും മരിച്ച സംഭവത്തിൽ പോലീസ് കേസെടുത്തു. ആത്മഹത്യാ കുറ്റം ചുമത്തിയാണ് ഷാർജ പോലീസ് കേസെടുത്തത്. 

കണ്ണൂർ അഴീക്കോട് പുതിയകാവ് ആർഷ(35)യും ഏകമകൾ റൂഹി(5)യുമാണ് മരിച്ചത്. ഷാർജ അൽ നഹദയിലെ ഫ്‌ളാറ്റിന് സമീപമാണ് ഇരുവരെയും മരിച്ച നിലയിൽ കണ്ടെത്തിയത്.

വാഹനാപകടത്തിലാണ് ഇരുവരും മരിച്ചതെന്ന് നേരത്തെ റിപ്പോർട്ടുണ്ടായിരുന്നു. ബുധനാഴ്ച രാത്രിയിലാണ് സംഭവം.

ഏതാനും വർഷമായി ഭർത്താവ് നിഹാലിനൊപ്പം ഷാർജ അൽ നഹ്ദയിൽ സഹാറ മാളിന് സമീപത്തെ ഫ്‌ളാറ്റിലാണ് ഇവർ താമസിച്ചിരുന്നത്. 

സ്വന്തമായി ഓൺലൈൻ ബിസിനസ് നടത്തിവരികയായിരുന്നു ആർഷ.