പരിപാലനത്തിലെ അശ്രദ്ധ:ഭൂതത്താന്‍കെട്ട് ഡാമിന്‍റെ എട്ടാമത്തെ ഷട്ടര്‍ തകര്‍ന്നുവീണു,

കോതമംഗലം: ഭൂതത്താൻകെട്ട് ഡാമിന്റെ 15 ഷട്ടറുകളില്‍ എട്ടാമത്തെ ഷട്ടര് തകർന്നുവീണു. ചെയിൻ പൊട്ടിയതിനെ തുടർന്ന് കൗണ്ടര് വെയ്റ്റ് താഴേക്ക് പതിക്കുകയായിരുന്നു

ഷട്ടർ ഉയര്ത്തുന്നതിനും താഴ്ത്തുന്നതിനും അനിവാര്യമായ ഘടകമാണ് കൗണ്ടർ വെയിറ്റ്. നിലവില്‍ ഷട്ടർ അടഞ്ഞുകിടക്കുകയാണ്. കൗണ്ടര് വെയിറ്റ് പുനസ്ഥാപിക്കാതെ ഷട്ടര് ഇനി ഉയർത്താനാകില്ല.

വര്ഷങ്ങൾക്ക് മുമ്പ് മറ്റൊരു ഷട്ടർ സമാനരീതിയിൽ തകര്ന്നിരുന്നു. ഏറെ നാളുകള്‍ക്കു ശേഷമാണ് ഇത് പുനസ്ഥാപിച്ചത്.

പത്ത് വര്ഷം മുമ്പ് ഡാമിന്റെ മുഴുവൻ ഷട്ടറുകളുടെയും അറ്റകുറ്റപ്പണികൾ നടത്തി ബലപ്പെടുത്തിയതാണ്. തുടർന്ന് പരിപാലനത്തിലുണ്ടായ വീഴ്ചയാകാം ഇപ്പോൾ ചെയിൽപൊട്ടാൻ കാരണമെന്ന് സംശയിക്കുന്നു.