റെയില്‍വേ സ്റ്റേഷനില്‍നിന്ന് മൂന്നര കിലോഗ്രാം കഞ്ചാവ് പിടികൂടി: അന്വേഷണം,

തലശേരി: തലശേരി റെയില്‍വേ സ്റ്റേഷനില്‍നിന്ന് ആർപിഎഫും, എക്സൈസും സംയുക്തമായി നടത്തിയ പരിശോധനയില്‍ ഉപേക്ഷിക്കപ്പെട്ട നിലയില്‍ 3.600 കിലോഗ്രാം കഞ്ചാവ് പിടികൂടി. 

രാവിലെ രണ്ടാം ഫ്ളാറ്റ് ഫോമില്‍ കുയ്യാലി ഭാഗത്തെ കുറ്റിക്കാട്ടിനടുത്ത് ബേഗില്‍ സൂക്ഷിച്ച നിലയിലാണ് കഞ്ചാവ് കണ്ടെത്തിയത്. തീവണ്ടി മാർഗം കൊണ്ട് വന്നതെന്നാണ് സൂചന.പരിശോധനക്കിടയില്‍ കൊണ്ടു വന്നവർ രക്ഷപ്പെട്ടതായിരിക്കുമെന്നും സംശയിക്കുന്നു. സ്റ്റേഷനിലെ സിസിടിവി ദൃശ്യങ്ങള്‍ പരിശോധിച്ച്‌ വരികയാണ്.

റെയില്‍വേ സുരക്ഷാ വിഭാഗം ആർപിഎഫ് ഓഫീസർമാരായ കെ.എം. സുനില്‍ കുമാർ, കെ.വി. മനോജ് എക്സൈസ് ഓഫീസർമാരായ പി. ഷിംന, സി.പി. ഷാജി തുടങ്ങിയവരുടെ നേതൃത്വത്തിലായിരുന്നു പരിശോധന.