ബാരാബങ്കി: ഉത്തർപ്രദേശിലെ ബാരാബങ്കിയില് നാടിനെ നടുക്കിയ ക്രൂരമായ കൊലപാതകം. ഐസ്ക്രീം വില്പനക്കാരനെ നടുറോഡില് വെച്ച് കഴുത്തറുത്ത് കൊലപ്പെടുത്തിയ ശേഷം തല വീടിനുള്ളില് വെച്ച് കത്തിക്കാൻ ശ്രമിച്ച പ്രതിയെ പൊലീസ് പിടികൂടി.
പതിവുപോലെ ഐസ്ക്രീം വില്പനയ്ക്കായാണ് ബബ്ലു പർസാവല് ഗ്രാമത്തിലെത്തിയത്. അവിടെവച്ച് ശങ്കർ യാദവുമായി വാക്കുതർക്കമുണ്ടായി. ഇതിനിടെ വീട്ടിലേക്ക് കയറിപ്പോയ ശങ്കർ, അരിവാളുമായി പുറത്തെത്തി ബബ്ലുവിനെ ആക്രമിക്കുകയായിരുന്നു.
നാട്ടുകാർ നോക്കിനില്ക്കെ ശങ്കർ, ബബ്ലുവിന്റെ തല അറുത്തെടുത്ത് വീടിനകത്തേക്കു പോയി. സംഭവമറിഞ്ഞ് പൊലീസ് സ്ഥലത്തെത്തുമ്പോള് വീടിനുള്ളില് ബബ്ലുവിന്റെ തല കത്തിക്കാനുള്ള ശ്രമത്തിലായിരുന്നു ശങ്കർ. ഉടൻതന്നെ ശങ്കറിനെ അറസ്റ്റ് ചെയ്തു.
വീടിനുള്ളില് നിന്നും കൊലപാതകത്തിന് ഉപയോഗിച്ച ആയുധം കണ്ടെടുത്തിട്ടുണ്ട്. ബബ്ലുവിന്റെ മൃതദേഹം പോസ്റ്റുമോർട്ടത്തിന് അയച്ചതായും സംഭവത്തെക്കുറിച്ച് കേസെടുത്ത് അന്വേഷണം ആരംഭിച്ചതായും പൊലീസ് പറഞ്ഞു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.